އެސްޓީއޯއިން ރާއްޖޭގެ ބާޒާރަށް ހަގީސް ބްރޭންޑުގެ އުފެއްދުންތައް ތައާރަފްކޮށް ވިއްކަން ފަށައިފިއެވެ.
އެސްޓީއޯ ޕީޕަލްސް ޗޮއިސް ސްޕަމާޓުގައި ބޭއްވި ހަފްލާއެއްގައި ހަގީސްގެ އުފެއްދުންތައް ބާޒާރަށް ނެރެދެއްވީ އެސްޓީއޯގެ މެނޭޖިންގ ޑިރެކްޓަރު އަހުމަދު ޝަހީރުއެވެ. އެސްޓީއޯއިން ވަނީ ރާއްޖޭގެ ބާޒާރަށް ހަގީސްގެ ދެ އުފެއްދުމެއް ވިއްކަން ނެރެފައެވެ. އޭގެ ތެރޭގައި ހިމެނެނީ ހަގީސް ޑައިޕާރސް، އަދި ވޮންޑަރ ޕޭންޓްސްއެވެ.
ހަގީސްގެ މި ދެ އުފެއްދުން ބާޒާރަށް ނެރުމަށްފަހު، ނޫސްވެރިންނަށް މައުލޫމާތުދެއްވަމުން އެސްޓީއޯގެ ބްރޭންޑް މެނޭޖަރ ރައްޝާމު މުހައްމަދު ވިދާޅުވީ، އެސްޓީއޯއިން ވިއްކާ ހަގީސްގެ އުފެއްދުންތައް މާލެއެކޭ އެއް އަގެއްގައި ރަށްރަށުގެ އެސްޓީއޯގެ ފިހާރަތަކާއި، ފާމަސީތަކުން ލިބޭނެކަމަށެވެ. އަދި މި އުފެއްދުންތައް ވެގެންދާނީ ބާޒާރުގައި އެންމެ ހެޔޮއަގެއްގައި ވިއްކާ އުފެއްދުންތަކަށް ކަމަށްވެސް ރައްޝާމް ވިދާޅުވިއެވެ. އެސްޓީއޯއިން ވަނީ ހުޅުމާލޭގައި ހުންނަ ފިޔަވަތި ހިޔާއަށް ހަޤީސްގެ ބައެއް އުފެއްދުން ހަދިޔާކޮށްފައެވެ.
އެސްޓީއޯގެ ފަރާތުން މިތަކެތި ހަވާލުކޮށްދެއްވީ އެކުންފުނީގެ މެނޭޖިންގ ޑިރެކްޓަރު އަހުމަދު ޝަހީރުއެވެ. ފިޔަވަތީގެ ފަރާތުން މިތަކެއްޗާ ހަވާލުވީ، ފިޔަވަތީގެ ސީއީއޯ ފާތިމަތު ޝިޔާމާއެވެ.