މިއަހަރުގެ ފުރަތަމަ 3 މަސްދުވަހު ޖީއެސްޓީ ބަޔާން ހުށަނާޅާ އަދި ޓެކްސް ނުދައްކާ 113 ފަރާތެއްގެ މަޢުލޫމާތު މޯލްޑިވްސް އިންލަންޑް ރެވެނިއު އޮތޯރިޓީ، މީރާއިން ޢާއްމުކޮށްފިއެވެ.
މީރާއިން ވިދާޅުވީ އެފަރާތްތަކުގެ މަޢުލޫމާތު ޢާއްމުކުރެއްވީ ޖީއެސްޓީ ނުދައްކާ ފަރާތްތަކުގެ ނަން ހާމަކުރުމުގެ އުޞޫލުގެ ދަށުން ކަމަށެވެ. މީރާއިން ޢާއްމު ކުރައްވާފައިވާ މިލިސްޓުގައި މާލެ ސަރަޙައްދުގައި ވިޔަފާރިކުރާ ފަރާތްތަކާއި ޓޫރިޒަމް ދާއިރާގައި ވިޔަފާރިކުރާ ފަރާތްތައް ހިމެނެއެވެ.
މާލެ ސަރަޙައްދުން، މާލެ، ވިލިމާލެ އަދި ހުޅުމާލޭގައި ވިޔަފާރިކުރާ، 108 ފަރާތެއް މިލިސްޓުގައި ހިމެނެއެވެ. އަދި ޓޫރިޒަމް ދާއިރާގައި ވިޔަފާރިކުރާ 5 ފަރާތެއް ހިމެނެއެވެ.
މީރާއިން ވިދާޅުވީ މި ފަރާތްތަކުގެ ތެރެއިން އެއްވެސް ފަރާތަކުން ޖީއެސްޓީ ބަޔާން ހުށަހަޅައިފިނަމަ ނުވަތަ ފައިސާ ދައްކައިފިނަމަ އެފަރާތެއްގެ ނަން، ކަނޑައެޅިފައިވާ އުޞޫލުން ލިސްޓުން އުނިކުރާނެކަމަށެވެ.