ފަރަށް އެރި އެސްޓީއޯގެ ތެޔޮ ބޯޓު / ފޮޓޯ: އެމްއެންޑީއެފް
މިއަދު ހެނދުނު ޅ.ނައިފަރު ކައިރިން ފަރަކަށް އެރި އެސްޓީއޯގެ ތެޔޮ ބޯޓު ފުންކޮށްފިއެވެ.
އެމްއެންޑީއެފުން ވިދާޅުވީ މިއަދު ހެނދުނު ހައެއް ޖަހާކަންހާއިރު ފަރަށް އެރި އެސްޓީއޯގެ ތެޔޮ ބޯޓު "ޤުރާބު" ފުންކުރެވުނީ މެނދުރު 12:20 ހާއިރުކަމަށެވެ. އަދި ބޯޓު ފުންކޮށްފައިވަނީ މިފްކޯގެ ބޯޓެއްގައި ކަފުޖަހައިގެންކަމަށްވެސް އެމްއެންޑީއެފުން މަޢުލޫމާތުދެއްވައެވެ. މިހާދިސާގައި އެއްވެސް މީހަކަށް ގެއްލުމެއްވެފައެއް ނުވެއެވެ.
12 މީހުންނާއެކު ޕެޓްރޯލް ހިފައިގެން ދަތުރުކުރަނިކޮށް ބޯޓު ފަރަށް އަރާފައިވަނީ ށ.މިލަންދޫއިން މާލެ ދަތުރުކުރަމުންދަނިކޮށެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ