މިދިޔަ އަހަރުގެ ސެޕްޓެމްބަރުމަހާ އަޅާބަލާއިރު، މިއަހަރުގެ ސެޕްޓެމްބަރުމަހު ސަރުކާރުގެ ޚަރަދުތައް 32.8 މިލިއަން ރުފިޔާ ދަށްކުރެވިފައިވާކަމަށް މަރުކަޒީ ބޭންކުން ބުނެފިއެވެ.
މޯލްޑިވްސް މަނިޓަރީ އޮތޯރިޓީ، އެމްއެމްއޭއިން ނެރެފައިވާ އެންމެފަހުގެ އިޤްތިޞާދީ މުރާޖައާ ރިޕޯޓުގައިވާ ގޮތުން މިއަހަރުގެ ސެޕްޓެމްބަރުމަހު ސަރުކާރުގެ ޖުމްލަ ޚަރަދަކީ 1.63 ބިލިއަން ރުފިޔާއެވެ. މިދިޔަ އަހަރުގެ ސެޕްޓެމްބަރުމަހު ސަރުކާރުގެ ޚަރަދުގެ ގޮތުގައި ރެކޯޑް ކުރެވިފައިވަނީ، 6.7 ބިލިއަން ރުފިޔާއެވެ.
މިއަހަރުގެ ސެޕްޓެމްބަރުމަހު ޚަރަދުތައް ދަށްވެފައިވަނީ ސަރުކާރުގެ ކެޕިޓަލް ޚަރަދު ކުޑަ މިންވަރަކުން އިތުރުވި ނަމަވެސް، ރިކަރަންޓް ޚަރަދުތައް ދަށްވުމުންނެވެ. ސަރުކާރުގެ ކެޕިޓަލް ޚަރަދު އިތުރުވެފައި ވަނީ ޕަބްލިކް ސެކްޓާ އިންވެސްޓްމަން ޕްރޮގްރާމްތަކަށް ކޮށްފައިވާ ޚަރަދު އިތުރުވުމާ ގުޅިގެނެވެ. އަދި ރިކަރަންޓް ޚަރަދު ދަށްވުމުގައި ލޯނުގެ ހިދުމަތުގެ އަގު ފާހަގަކޮށްލެވޭ މިންވަރަކަށް ދަށްވުމާ ގުޅިގެނެވެ.