ގދ.ފަރެސްމާތޮޑާއާއި، ކ.ހުރާގެ ބިން ހިއްކުމުގެ މަޝްރޫޢުގެ ޑިޒައިންކޮށްދޭނެ ބަޔަކު ހޯދުމަށް ހައުސިން މިނިސްޓްރީން އިއުލާންކޮށްފިއެވެ.
ހައުސިން މިނިސްޓްރީން ބުނީ ގދ.ފަރެސްމާތޮޑާއާއި، ކ.ހުރާގެ ބިން ހިއްކުމުގެ މަޝްރޫޢުގެ ޑިޒައިން އާއި ކޮންސަލްޓަންސީ މަސައްކަތްކޮށްދޭން ޝައުޤުވެރިވާ ފަރާތަކަށް އެ ފުރުސަތު ހުޅުވާލާފައިވާކަމަށެވެ. މިގޮތުން މި މަސައްކަތުގައި ހިމެނޭ ބައިތައް އެންމެ ފުރިހަމަކޮށް ގެންދިޔުމަށް ސަބް ކޮންސަލްޓަންޓުންނާއި އެކު ޖޮއިންޓް ވެންޗަރ ހެދުމުގެ ފުރުސަތުވެސް އޮތްކަމަށެވެ. މި މަސައްކަތަށް އެދި ހުށައެޅުމުގެ އެންމެ ފަހު ތާރީހަކީ މިމަހުގެ 29 ވަނަދުވަހެވެ.
ގދ.ފަރެސްމާތޮޑާގެ ބިންހިއްކުމަށް ދައުލަތުގެ ބަޖެޓުން 26،000،000 ރުފިޔާ ޚަރަދުކުރުމަށް ވަނީ ކަނޑައަޅާފައެވެ.
ގދ.ފަރެސްމާތޮޑާގެ އާބާދީއަކީ 2000 މީހުންނެވެ. ކ.ހުރާގެ އާބާދީއަކީ 1132 މީހުންނެވެ.