ޖަރުމަން ބުންޑަސްލީގާގެ ފަހު މެޗުގައި ސްޓުޓްގާޓު ބަލިކޮށް، ލީގު ތައްޓާއެކު ބެޔާން މިއުނިކް އުފާފާޅުކުރުންތަށް ކުރިޔަށްގެންގޮސްފިއެވެ.
ލީގުގެ ފަހު މެޗް ކާމިޔާބުކުރީ އެކެއް ސުމަކުންނެވެ. މެޗުގެ ހަމައެކަނި ގޯލް، މެޗުގެ އިތުރުވަގުތުގައި ކާމިޔާބުކޮށްދިނީ ކްލޯޑިއޯ ޕިޒާރޯއެވެ. ބެޔާން މިއުނިކުން ލީގު ނިންމާލީ ލީގުގެ އެއްވަނައިގައި އޮނަވިހި ޕޮއިންޓުގެ ލީޑަކާއެކުއެވެ.
ތިރީސް ހަތަރު މެޗުން ބެޔާން ވަނީ ނުވަދިހަ ޕޮއިންޓް ހޯދާފައެވެ. މިދިޔަ އަހަރު ބެޔާން ނުވަދިހަ އެއް ޕޮއިންޓް ހޯދިއެވެ.
މިފަހަރުގެ ލީގް ތައްޓަކީ ބެޔާން މިއުނިކުން ހޯދި ސައުވީސްވަނަ ލީގް ތައްޓެވެ. މީ ރެކޯޑް އަދަދެއްކަން ފާހަގަކޮށްލެވެއެވެ.
ބެޔާން މިއުނިކުން މިފަހަރުގެ ލީގު ޔަގީންކޮށްފައިވަނީ ލީގުގެ ހަތް މެޗް ބާކީ އޮއްވައެވެ. މީވެސް ޖަރުމަނުގެ ރެކޯޑެކެވެ.
ރޭގެ މެޗަށްފަހު ސްޓުޓްގާޓް ރެލެގޭޝަނުން ސަލާމަތްކޮށްދިން ކޯޗް ހުބް ސްޓީވެސްވަނީ މަގާމު ދޫކޮށްލާފައެވެ.