މިއަހަރު ބޭއްވި އިޙްޔާ ފޯރަމެއްގެ ތެރެއިން- ފައިލް ފޮޓޯ: ޕީއެސްއެމް ނިއުސް
ރަމަޟާން މަހުގެ ރޭތައް އިޙްޔާ ކުރުމަށް ބާއްވާ ފޯރަމްގެ 5 ވަނަ ފޯރަމް މިރޭ އިސްލާމީ މަރުކަޒުގައި އޮންނާނެއެވެ.
އިސްލާމިކް މިނިސްޓްރީން ބުނީ އިޙްޔާ ފޯރަމްގައި މިރޭ ދަރުސް ދިނުމަށް ހަމަޖެހިފައިވަނީ "ދީނީ ގޮތުން ސައްޙަ އަދި ތެދު މަޢުލޫމާތު ހޯދުމުގެ މުހިއްމުކަން" މިމައުޟޫއަށް ކަމަށެވެ.
މިރޭގެ ފޯރަމްގައި މި މަޢުޟޫއަށް ދަރުސްދެއްވާނީ ޑރ.ޒަކަރިއްޔާ މޫސާއެވެ.
ޢާންމުކޮށް ހުޅުވާލައިގެން ބާއްވާ މި ފޯރަމް އޮންނާނީ އިސްލާމީ މަރުކަޒުގައި މިރޭ 9:30ގައެވެ.
ރާއްޖޭގެ ރައްޔިތުންގެ ދީނީ ހޭލުންތެރިކަން އިތުރުކުރުމާއި ދީނާބެހޭ މަޢުލޫމާތު މުއްސަނދިކުރުމުގެ މަޤްޞަދުގައި ކޮންމެ އަހަރެއްގެ ރަމަޟާންމަހު ބާއްވަމުން އަންނަ އިޙްޔާ ފޯރަމްތައް މިއަހަރުވެސް އޮންނަނީ ކޮންމެ ހޯމަ ވިލޭރެއަކާއި، ހުކުރު ވިލޭރެއަކު އިސްލާމީ މަރުކަޒުގައެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ