ރަމަޟާންމަހުގެ ރޭތައް އިޙްޔާކޮށް ދިރުވުމަށް މިނިސްޓްރީ އޮފް އިސްލާމިކް އެފެއަރޒުން އިންތިޒާމް ކޮށްގެން ބާއްވާ އިޙްޔާ ޕްރޮގުރާމުގެ 7 ވަނަ ފޯރަމް ބާއްވައިފިއެވެ.
މި ފޯރަމް ޢަމާޒުކޮށްފައިވަނީ " ރޯދައިގެ އިޖްތިމާޢީ ފައިދާތައް" މި މަޢުޟޫއަށެވެ. މި މަޢުޟޫއަށް އިންސާފުކޮށްދެއްވީ ޑރ. މުޙައްމަދު ޤުބާދު އަބޫބަކުރެވެ.
" ރޯދައިގެ އިޖްތިމާޢީ ފައިދާތައް" މި މަޢޫޟޫއަށް ވާހަކަދައްކަވަމުން ޤުބާދު ވަނީ ރޯދަ ހިފުމުން އިންސާނާއަށް ލިބެމުންދާ އިޖްތިމާޢީ އަދި އެހެނިހެން ފައިދާތަކުގެ މައްޗަށް އަލިއަޅުވާލައްވާފައެވެ. މިގޮތުން ޤުބާދު ވަނީ ރަމަޟާންމަހުގެ ރޯދައިގެ ސަބަބުން އިންސާނަާއަށް ލިބޭ ނިޢުމަތްތަކުގެ މަތިން ހަނދާންވެގެންދާނެކަން ފާހަގަކޮށް ރޯދައަކީ، އެ ނިޢުމަތްތަކުގެ އަގުވަޒަންކުރަން އިންސާނާއަށް ލިބިގެންދާނެ އަގުހުރި ރަނގަޅު ފުރުޞަތެއްކަން ފާހަގަކުރައްވާފައެވެ.
ޤުބާދު ވިދާޅުވީ ރޯދައިގެ ސަބަބުން ފަޤީރުންގެ އިހްސާސްތަކާއި އެމީހުންނަކީ އަޅާލަންޖެހޭ ބައެއްކަން ހަނދާންވެގެންދާނެކަމަށެވެ. އަދި ރޯދައަކީ އިންސާނާގެ ނަފްސު ޠާހިރުކޮށް ނަފްސު ކޮންޓްރޯލް ކުރުމަށް ލިބޭ ރަނުގެ ފުރުޞަތެއްކަމަށާއި ތިމާއަށް ލިބިގެންވާ ނިޢުމަތަށް ޝުކުރުކުރާ މީހާއަކީ ހަޤީޤީ ބާއްޖަވެރިއެއްކަން ފާހަގަކުރެއްވިއެވެ.
ޤުބާދުވަނީ އަހަރަކު އެއްފަހަރު އަންނަ ރަމަޟާންމަހުގެ ބޭނުން ހެޔޮގުތުގައި ހިފުމަށް އިލްތިމާސްކުރައްވާފައެވެ. މިގޮތުން ކުޅިވަރާ މަޖަލުގައި ވަގުތު ހޭދަނުކޮށް އަޅުކަމުގައި ގިނަވަގުތު ހޭދަކުރުމަށް އިލްތިމާސްކުރެއްވިއެވެ. އަދި އަބަދުވެސް ކަންކަމަށް ޝުކުރުކޮށް ފާފަތަކުން މިންޖުވެފައިވާ ތިބެ ﷲ ނަހީކުރެއްވި ކަންކަމުން ދުރުހެލިވުމަށް ޤުބާދު އިލްތިމާސްކުރެއްވިއެވެ.
އެހެން ފޯރަމްތަކާ އެއްގޮތަށް މި ފޯރަމްގައިވެސްވަނީ މިފޯރަމްގައި ބައިވެރިވި މީހުންގެ މެދުގައި ނެގި ޤުރުއަތުން ހޮވުނު ފަރާތްތަކަށް ފައިސާގެ އިނާމާއި ރިޔާޟުއްޞާލިޙީން އަދި ފިޤްހުއްސުންނަ މި ދެ ފޮތް ހަދިޔާކޮށްފައެވެ.