މިއަހަރު ފިޠުރު ޒަކާތުގެގޮތުގައި މާލެ ސަރަޙައްދުން ހަތަރު މިލިޔަން ހަތަރު ލައްކަ ފަންސާސް ތިން ހާސް އެއްސަތޭކަ އަށް ރުފިޔާ ލިބިފައިވާއިރު އެއްލައްކައަށްވުރެ ގިނަ މީހުން ވަނީ ޒަކާތްދައްކާފައެވެ.
އިސްލާމިކް މިނިސްޓްރީން ކޮންމެ އަހަރަކުވެސް ފިޠުރު ޒަކާތް ދެއްކުމަށްޓަކައި އާއްމުންނަށް ލުއިފަސޭހަވާނެގޮތަކަށް އިންތިޒާމްތައް ހަމަޖައްސަމުންދާކަން ފާހަގަކުރެވެއެވެ. މިގޮތުން އެސްއެމްއެސް މެދުވެރިކޮށް ފިޠުރު ޒަކާތް ދެއްކުމާއި ބޭންކުތައް މެދުވެރިކޮށް ޒަކާތް ދެއްކޭނެ އިންތިޒާމުތައް ކޮންމެ އަހަރަކުވެސް އެ މިނިސްޓްރީން އަންނަނީ ހަމަޖައްސައިދެމުންނެވެ.
މިއަހަރު ފަޤީރުންގެ ގޮތުގައި އަތޮޅުތަކުން 12،995 މީހުންވަނީ ރަޖިސްޓްރީކޮށްފައެވެ. މާލެއިން 3299 މީހުން ރަޖިސްޓްރީކޮށްފައިވާއިރު، މުޅި ރާއްޖެއިން ޖުމްލަ ފަޤީރުންގެ ގޮތުގައި 16294 މީހުން ރަޖިސްޓްރީކޮށްފައިވެއެވެ.
ވޭތުވެދިޔަ އަހަރު ފަޤީރުންގެ ގޮތުގައި އެކި އަތޮޅުތަކުން 13063 މީހުންރަޖިސްޓްރީކޮށްފައިވާއިރު މާލެއިން 3142 ރަޖިސްޓްރީކޮށްފައިވެއެވެ. ވޭތުވެ ދިޔަ އަހަރު ފިޠުރު ޒަކާތް 96 ހާހަށްވުރެ ގިނަ މީހުން ދައްކާފައިވާއިރު ޒަކާތުގެ ގޮތުގައި 4،453،108 (ހަތަރު މިލިޔަން ހަތަރުލައްކަ އަށްޑިހަ ހަތް ހާސް އެއްސަތޭކަ ހަތަރު ރުފިޔާ) ވަނީ ލިބިފައެވެ.
މާލޭ ސަރަޙައްދުގައި ފިޠުރުޒަކާތުގެ ގޮތުގައި ބޮލަކަށް 1300 ރުފިޔާވަނީ ބަހާފައެވެ. މިއީ ވޭތުވެދިޔަ އަހަރާއި އަޅާބަލާއިރު 50 ރުފިޔާ އިތުރު ޢަދަދެކެވެ. ވޭތުވެދިޔަ އަހަރު ބޮލަކަށް ބަހާފައިވަނީ 1250 ރުފިޔާއެވެ. މިގޮތުން މިއަހަރު ފިޠުރު ޒަކާތުގެގޮތުގައި 4،453،108 ރުފިޔާ ލިބިފައިވާއިރު އެއްލައްކައަށްވުރެ ގިނަ މީހުން ވަނީ ޒަކާތްދައްކާފައެވެ. މި ފައިސާގެ ތެރެއިން މާލެ ސަރަހައްދުގައި ފަޤީރުންގެ ގޮތުގައި ރަޖިސްޓްރީކޮށްފައިވާ 2910 މީހުންނަށް 3 މިލިޔަނަށްވުރެ ގިނަ ރުފިޔާ ވަނީ ބަހާފައެވެ. އަދި 392 މީހުންނަށް ފައިސާ ހަވާލުނުކުރެވޭކަމަށް އިސްލާމިކް މިނިސްޓްރީން ބުނެއެވެ.
މިއަހަރު ގޮވާމުން 1248 މީހުންނަށް ޒަކާތް ބަހާފައިވާއިރު އާދައިގެ ހަނޑުލުން 2496 ކިލޯ އާއި ބާސްމަތީ ހަނޑުލުން 3744 ކިލޯ ވަނީ ބަހާފައެވެ.