ރާއްޖޭގައި ހުންނަ ޕާކިސްތާން އެމްބަސީއާއި ހެލްތް މިނިސްޓްރީ ގުޅިގެން ބާއްވާ މެޑިކަލް ކޭންޕް މާދަމާ ފަށާނެއެވެ.
މިމަހުގެ 8 ން 13 އަށް ކުރިއަށް ގެންދާ މިކޭންޕުގައި ޕާކިސްތާނުގެ ސުޕާރސްޕެޝަލިސްޓް ޑޮކްޓަރުން ބަައިވެރިވެ، މީހުންބަލާ ފަރުވާ ދޭނެއެވެ. މެޑިކަލް ކޭންޕްގައި އެކި ދާއިރާތަކުން ޕާކިސްތާނުގެ 7 ސުޕަރސްޕެޝަލިޓް ޑޮކްޓަރުން ބައިވެރިވާނެއެވެ. ކެންޕުގައި ޑޮކްޓަރުންނަށް ދެއްކުން ކުރިއަށްދާ، ކޭމްޕުކުރިއަށް ގެންދިއުމަށް ހަމަޖެހިފައިވާ ރަށްރަށުގެ ހޮސްޕިޓަލުތަކުގައެވެ.
މެޑިކަލް ކޭންޕާއިބެހޭ ގޮތުން ހެލްތް މިނިސްޓްރީން ބުނީ މި ކޭމްޕްގައި ބައިވެރިވާ ޑޮކްޓަރުންނަކީ ދުނިޔޭގެ ބޮޑެތި ޤައުމުތަކުގައި މަސައްކަތްކޮށްފައިވާ އަދި މިހާރުވެސް މަސައްކަތްކުރަމުންދާ ޑޮކްޓަރުން ކަމަށާއި، ކޭންޕު މެދުވެރިކޮށް ފަސޭހަކަމާއެކު ޑޮކްޓަރަށް ދެއްކުމާއި ޑޮކްޓަރުންގެ ލަފާހޯދުމުގެ ފުރުޞަތު ލިބޭނެކަމަށެވެ. އެގޮތުން ކޭމްޕްގައިބައިވާ ޑޮކްޓަރުންނަށް ދެއްކުމަށް ބޭނުންވާ ފަރާތްތަކުން މިހާރުވެސް ނަންނޯޓު ކުރަމުންދާކަމަށް ހެލްތްމިނިސްޓްރީން ބުނެއެވެ.
މެޑިކަލް ކޭންޕު ކުރިއަށް ގެންދިއުމަށް ހަމަޖެހިފައިވާ ތަންތަނަކީ އައިޖީއެމް ހޮސްޕިޓަލާއި ކުޅުދުއްފުށީ ރީޖަނަލް ހޮސްޕިޓަލާއި ލ. ގަމު ރީޖަނަލް ހޮސްޕިޓަލާއި ހއ. އަތޮޅު ހޮސްޕިޓަލާއި ފ. އަތޮޅު ހޮސްޕިޓަލާއި ދ. އަތޮޅު ހޮސްޕިޓަލްގެ އިތުރުން ތ. އަތޮޅު ހޮސްޕިޓަލެވެ.