ކުޑަކުއްޖެއްގެ ފުރާނަ ގެއްލުމަށްވުރެ ބޮޑު ހިތާމައެއް ނެތްކަމަށް ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިހް ވިދާޅުވެއްޖެއެވެ
ރައީސް މިހެން ވިދާޅުވީ ހަދަމުން ދިޔަ އިމާރާތަކުން ވެއްޓުނު ސިމެންތި ބަސްތާއަކުން ޖެހި ލިބުނު އަނިޔާތަކަށް ފަރުވާދެމުންދަނިކޮށް މަރުވި އަށް އަހަރުގެ އަންހެން ކުއްޖާގެ ޢާއިލާއަށް ތަޢުޒިޔާ ވިދާޅުވެ ކުރެއްވި ޓްވީޓެއްގައެވެ.
އިންޑިއާއަށް ކުރައްވަމުން ގެންދާ ރަސްމީ ދަތުރުފުޅެއްގައި ޤައުމުން ބޭރުގައި ހުންނަވާ ރައީސް ކުރެއްވި ޓްވީޓްގައި ވިދާޅުވެފައިވަނީ 9 އަހަރުގެ ކުޑަކުއްޖާގެ ފުރާނަ ގެއްލުމަށްވުރެ ބޮޑު ހިތާމައެއް ނެތްކަމަށެވެ. އަދި ހިނގާދިޔަ ހިތާމަވެރި ހާދިސާއިން އިބްރަތް ލިބިގަނެ މިހާރަށްވުރެ ބޮޑަށް އިމާރާތްކުރުމުގައި ރައްކަތެރިކަމުގެ ފިޔަވަޅުތައް އެޅުމުގައި އަވަސްވެގަތުމަށް ރައީސް ވަނީ ގޮވާލައްވާފައެވެ.
އިއްޔެ ހިނގި ހާދިސާ އާ ގުޅިގެން މާލޭގެ ކޮންސްޓްރަކްޝަން މަސައްކަތް ކުރާ ތަންތަނުގެ ސަލާމަތީ ކަންކަން ވީ އެންމެ އަވަހަކަށް ބެލުމަށް ރައީސުލްޖުމްހޫރިއްޔާ އިބްރާޙީމް މުޙައްމަދު ޞާލިޙު ވަނީ އަމުރުކުރައްވާފައެވެ. އަދި އެ ހާދިސާ ސީރިއަސް މައްސަލައެއްގެ ގޮތުގައި ތަޙްޤީގު ކުރުމަށްވެސް ވަނީ އަންގަވާފައެވެ.