ރާއްޖޭގައި ވިއްކަމުންދާކަމަށް ބެލެނޭ އޫރުން ތައްޔާރުކޮށްފައިވާ "ޖެލަޓިން ޕޯރސިން" އެކުލެވޭ އުފެއްދުން / ފޮޓޯ: --
އޫރުން ތައްޔާރުކޮށްފައިވާ އުފެއްދުމެއް ރާއްޖޭގައި ވިއްކަމުން ދާކަމުގެ މައުލޫމާތު ލިބިގެން އެކަން ކަސްޓަމްސްއިން ބަލަން ފަށައިފިއެވެ.
މޯލްޑިވްސް ކަސްޓަމްސް ސަރވިސްއިން ނެރުނު ނޫސްބަޔާނެއްގައި ބުނެފައިވަނީ އޫރުން ތައްޔާރުކޮށްފައިވާ "ޖެލަޓިން ޕޯރސިން" އެކުލެވޭ އުފެއްދުމެއް ރާއްޖޭގެ ބާޒާރުގައި ވިއްކަމުންދާކަމަށް މީޑިއާގައި ފެތުރެމުންދާ މަޢުލޫމާތާ ގުޅިގެން ކަސްޓަމްސްއިން ޚާއްޞަ އިސްކަމެއް ދީގެން އެމައްސަލަ ބަލަމުންދާ ކަމަށެވެ.
މޯލްޑިވްސް ފުޑް އެންޑް ޑްރަގް އޮތޯރިޓީ އާއި މޯލްޑިވްސް ކަސްޓަމްސް ސަރވިސްއިން މިމައްސަލަ ބަލަމުންދާއިރު މި މަސައްކަތުގެ ދަށުން މިމުދާ އެތެރެކޮށްފައިވާ ކަމަށް ބެލެވޭ ވިޔަފާރިތައް އިންސްޕެކްޓް ކުރަމުން ގެންދާކަމަށްވެސް ކަސްޓަމްސްއިން މައުލޫމާތުދެއެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ