ހުސްވި އަހަރު ރާއްޖެއަށް ޒިޔާރަތްކުރި ޖުމްލަ ފަތުރުވެރިންގެ ތެރެއިން ފަންސާސް ދެ އިންތަ އަކީ އަންހެން ފަތުރުވެރިން ކަމަށް ތަފާސް ހިސާބުތަކުން ދައްކައިފިއެވެ.
ޓޫރިޒަމް މިނިސްޓްރީން އާއްމުކޮށްފައިވާ މިދިޔަ އަހަރުގެ ފަތުރުވެރިކަމުގެ ތަފާތު ހިސާބުތައް ދައްކާގޮތުން އެ އަހަރު ރާއްޖެއަށް އެކެއް ޕޮއިންޓް ހަތަރެއް މިލިއަން ފަތުރުވެރިން ވަނީ ޒިޔާރަތްކޮށްފައެވެ.
އޭގެތެރެއިން ހަތް ލައްކަ ހަތްދިހަ ހަތަރުހާސް ފަތުރުވެރިން ނުވަތަ ފަންސާސް ދެ އިންސައްތައަކީ އަންހެން ފަތުރުވެރިނެވެ. އަދި ހަތްލައްކަ ދިހަ ހާސް ފަތުރުވެރިން ނުވަތަ ސާޅީސް އަށެއް އިންސައްތައަކީ ފިރިހެން ފަތުރުވެރިންނެވެ.
ފިރިހެން ފަތުރުވެރިންނާއި ހިލާފަށް އަންހެން ފަތުރުވެރިން ޗުއްޓީ ހޭދަކުރުމަށް މަންޒިލެއް އިހްތިޔާރުކުރުމުގައި އިސްކަންދެނީ އަރާމުކޮށްލުމާއި، ހިތްހަމަ ޖައްސާލުމަށް ކަމުދާ މަންޒިލްތަކަށެވެ. އަދި ސަލާމަތީގޮތުން ރައްކާތެރި ތަނަކަށް ދަތުރު ދިޔުމަށްވެސް އަންހެން ފަތުރުވެރިން އިސްކަންދެއެވެ.
ރާއްޖެއަކީ މިފަދަ ކަންތައްތަކަށް ނަން މަޝްހޫރުވެފައިވާ މަންޒިލެކެވެ.