ޑެންގީ ޖެހުނު ކުދިން މާލެ ގެންނަނީ / ފޮޓޯ: އެމްއެންޑީއެފް
ފ. ފީއަލީ ސިއްޙީ މަރުކަޒުގައި ޑެންގީ ހުން ޖެހިގެން ފަރުވާ ހޯދަމުންދިޔަ 6 ކުއްޖަކު ސިފައިންގެ އެހީތެރިކަމާއެކު މާލެ ގެނެސްފިއެވެ.
އެމްއެންޑީއެފްގެ ސީ އެމްބިއުލާންސްގައި އެ 6 ކުދިން މާލެ ގެނެސްފައިވަނީ މިރޭ 9:40 އެހާކަންހާއިރުއެވެ. މިރޭ އެކުދިން މާލެ ގެނައުމާއެކު ޗީފް އޮފް ޑިފެންސް ފޯސް މޭޖަރ ޖެނެރަލް ޢަބްދުﷲ ޝަމާލް ވަނީ ސީ އެމްބިއުލާންސް މާލޭ ބަނދަރާ ކައިރިކުރިތަނަށް ވަޑައިގެން އެކުދިންގެ ހާލު ބައްލަވާލައްވާފައެވެ.
އެކުދިން މާލެ ގެނައުމާއެކު މިހާރު ވަނީ އިތުރު ފަރުވާއަށް އައިޖީއެމްއެޗަށް ގެންގޮސްފައެވެ. އައިޖީއެމް ހޮސްޕިޓަލުން ބުނީ މި 6 ކުދިންނަށްވެސް އެމަރޖެންސީގައި ފަރުވާދެމުންދާކަމަށެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ