ރާއްޖޭގައި ފުރަތަމަ ފަހަރަށް ޖަނަވާރުންނަށް ފަރުވާދޭން ހުޅުވި ކްލިނިކްގެ ޚިދުމަތް ވަގުތީ ގޮތުން މެދުކަނޑާލައިފިއެވެ.
ވިލިމާލޭގައި ހުންނަ ފިޝަރީޒް މިނިސްޓްރީގެ އިމާރާތެއްގަ ޤާއިމުކޮށްފައިވާ މި ކްލިނިކްގެ ޚިދުމަތް ވަގުތީ ގޮތުން މެދުކަނޑާލާފައިވަނީ ވެޓެރިނަރީ ސަރވިސްގެ ދަށުން ފަރުވާދޭ ވެޓެރިނޭރިއަން ޢާއިލީ ޒިންމާގެ ޗުއްޓީއެއްގައި އޭނާގެ ޤައުމަށް ފުރުމުގެ ސަބަބުންނެވެ.
ފިޝަރީޒް މިނިސްޓްރީން ވިދާޅުވީ މިއަދުން ފެށިގެން މިމަހުގެ 24 ވަނަ ދުވަހުގެ ނިޔަލަށް އެ ކްލިނިކުގެ ޚިދުމަތް މެދުކަނޑާލާފައިވާ ކަމަށާ، ދެން ޚިދުމަތްދޭން ފަށާނީ މިމަހުގެ 25 ވަނަ ދުވަހު ކަމަށެވެ.
ރާއްޖޭގައި ފުރަތަމަ ފަހަރަށް ޤާއިމުކުރި ޖަނަވާރުންނަށް ފަރުވާދޭ ކްލިނިކް ހުޅުވާފައިވަނީ މިދިޔަ މަހުގެ 10 ވަނަ ދުވަހުއެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ