ދެ ސައިކަލް ޖެހި ހިނގި އެކްސިޑެންޓެއްގައި މީހަކަށް ސީރިއަސް އަނިޔާތަކެއް

މާލޭގައި ދެ ސައިކަލް ޖެހި ހިނގި އެކްސިޑެންޓެއްގައި މީހަކަށް ސީރިއަސް އަނިޔާތަކެއްވެއްޖެއެވެ.

ދަރުބާރުގެ ކައިރީގައި މިއަދު ހަވީރު 16:31 ހާއިރު 2 ސައިކަލް ޖެހި ހިނގި މި އެކްސިޑެންޓުގައި ސީރިއަސް އަނިޔާތަކެއްވެފައިވަނީ އުމުރުން 22 އަހަރުގެ ފިރިހެނަކަށެވެ.

މި ޒުވާނާގެ ބޮލަށް ސީރިއަށް އަނިޔާތަކެއް ވެފައިވާއިރު އޭނާއަށް އައިޖީއެމްއެޗުގައި ފަރުވާދެމުންދާކަމަށް ފުލުހުން ވިދާޅުވެއެވެ. އަދި މިމީހާ ދުއްވަން އިން ސައިކަލްގެ ފަހަތުގައި އިން އުމުރުން 8 އަހަރުގެ ކުއްޖާއާއި އެކްސިޑެންޓުވި އަނެއް ސައިކަލް ދުއްވަން އިން 23 އަހަރުގެ ފިރިހެން މީހާގެ ހާލުވެސް ރަނގަޅުކަމަށް ފުލުހުން މަޢުލޫމާތުދެއްވައެވެ.

ފުލުހުން ވިދާޅުވީ ސައިކަލް ދުއްވަން ތިބި ދެ މީހުންނަކީވެސް ލައިސަންސް އޮތް ދެމީހުންކަމަށެވެ.