އަނީޔާކޮށްފައި އެއްލާލައިފައި އޮތް މީހަކު އައްޑޫ ސިޓީ މަރަދޫ ފުއްޓަރު ފަރާތުން ފެނިއްޖެއެވެ.
މި މައްސަލައިގައި ފުލުހުން ވިދާޅުވީ މަރަދޫ ފުއްޓަރު ފަރާތުން ޒަޚަމްތަކަކާއިއެކު ފިރިހެނަކު ފެނިގެން މިއަދު މެނދުރުފަހު 3:30ހާއިރު ރިޕޯޓުކޮށްފައިވާކަމަށެވެ. އެ މީހާ މިހާރު ހިތަދޫ ރީޖަނަލް ހޮސްޕިޓަލަށް ގެންގޮސްފައިވާކަމަށާއި މި މައްސަލައިގައި އެއްވެސް މީހަކު ހައްޔަރުކޮށްފައި ނުވާކަމަށްވެސް ފުލުހުން ވިދާޅުވިއެވެ.
ޕީއެސްއެމް ނިވްސަށް މަޢުލޫމާތު ދެއްވަމުން ހިތަދޫ ރީޖަނަލް ހޮސްޕިޓަލުން ވިދާޅުވީ އެ މީހާ ހޮސްޕިޓަލަށް ގެނެސް ފަރުވާ ދޭން ފަށާފައިވާކަމަށެވެ. އަދި އޭނާގެ ހާލު ރަނގަޅުކަމަށާއި ހަށިގަނޑުން އަނިޔާގެ ނިޝާންތަކާއި ބޮލުގައި ޒަޙަމްތަކެއް ހުރި ކަމަށްވެސް ހޮސްޕިޓަލުން ވިދާޅުވިއެވެ.
މަޢުލޫމާތު ލިބިފައިވާ ގޮތުގައި އަނިޔާ ކުރުމަށްފަހު އެއްލާލައިފައިވަނީ މަރަދޫގައި ދިރިއުޅޭ ހުވަދު އަތޮޅަށް ނިސްބަތްވާ މީހެކެވެ.