ހިތަދޫ ޕޯޓު ކޯޒްވޭ / ފޮޓޯ: ޕީއެސްއެމް
އައްޑޫސިޓީ ހިތަދޫ ބަނދަރުގެ ކޯޒްވޭ މަތިން ވެއްޓި އަނިޔާވި މީހާ އައިޖީއެމްއެޗް ގައި ފަރުވާ ދެމުން ދަނިކޮށް މަރުވެއްޖެއެވެ.
އާދިއްތަ ދުވަހު ހިނގި މިޙާދިސާއާއި ގުޅިގެން ފަރުވާދެމުން ދަނިކޮށް މަރުވެފައި ވަނީ ހިތަދޫ، ނާޒުކީގޭ، އަޙްމަދު ޒަރީރުއެވެ. އުމުރުން 46 އަހަރުގެ މިފިރިހެން މީހާ މަރުވެފައިވާކަން އާއިލާއިން ވަނީ ކަށަވަރު ކޮއްދީފައެވެ. މިޙާދިސާގައި އޭނާގެ ސިކުނޑިއަށް ވަނީ ލޭއެޅިފައިވާ ކަމަށް މަޢުލޫމާތު ލިބެއެެވެ.
މިޙާދިސާ ހިނގަން މެދުވެރިވީ ހިތަދޫ ބަނދަރު ސަރަޙައްދު ކޯޒްވޭ މަތިން ދުއްވާފައި ދަނިކޮށް ސައިކަލު ކޮންޓްރޯލް ނުވެގެން ގޮސް ވެއްޓި ހިލަތަކެއް މަތީ ޖެހިގެންނެވެ. މިޙާދިސާގައި ޒަރީރުގެ ބޮލަށް އަނިޔާ ވެފައިވާ ކަމަށް ހިތަދޫ ރީޖަނަލް ހޮސްޕިޓަލުން ވަނީ ބުނެފައެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ