ހަމައެކަނި ކާޑުން ފައިސާ ދެއްކޭގޮތަށް ހަމަޖައްސި ފިއުލް ސަޕްލައި މޯލްޑިވްސް، އެފްއެސްއެމްގެ 2 ޕެޓްރޯލް ޝެޑުން މިހާރު ނަގުދު ފައިސާވެސް ބަލައިގަންނާނެކަމަށް އެކުންފުނިން ބުނެފިއެވެ.
ހަމައެކަނި ކޭޝް ކާޑުން ފައިސާ ދެއްކޭގޮތަށް ކުރިން ހަމަޖައްސާފައިވަނީ ކާނިވާ ސަރަޙައްދުގައި ހުންނަ "އީޒީ ފިއުލް 2"އާއި މާލެ އިންޑަސްޓްރިއަލް ވިލެޖް ސަރަޙައްދުގައި ހުންނަ "އީޒީ ފިއުލް 4" ޕެޓްރޯލް ޝެޑަށެވެ. މިބަދަލު ގެނައީ މިމަހުގެ 17 ވަނަ ދުވަހުއެވެ. އެހެންނަމަވެސް ގިނަ ކަސްޓަމަރުންނަށް އުނދަގުލާއި ދަތިތައް ކުރިމަތިވަމުން އަންނާތީ، އެކަމަށް ހައްލެއް ހޯދައި ދިނުމަށް މިހާރު ނަގުދު ފައިސާ އަދި ކޭޝް ކާޑުން ފައިސާ ދެއްކޭގޮތަށް ހަދާފައިވާ ކަމަށް އެފްއެސްއެމުން ބުނެއެވެ.
ކޯވިޑް-19ގެ ޙާލަތާއި ގުޅިގެން ފިއުލް ސަޕްލައި މޯލްޑިވްސްއިން މިހާރު ޚިދުމަތްދެމުން އަންނަނީ ހެނދުނު 08:30އިން ރޭގަނޑު 9:30އަށެވެ.