އިންޑިއާ ސަރުކާރުގެ ހިލޭ އެހީގެ ދަށުން ހިންގާ ހުޅުމާލެ ސެންޓްރަލް ޕާކާއި، ހުޅަނގު ފަރާތު އެރައިވަލް ޖެޓީ މަރާމާތުކުރުމުގެ މަޝްރޫއު އިފްތިތާހްކޮށްފިއެވެ.
މި މަޝްރޫއުގެ ދަށުން ހުޅުމާލެ ސެންޓްރަލް ޕާރްކް މަރާމަތު ކުރުމަށްޓަކައި އަށް މިލިޔަން ނުވަސަތޭކަ ނުވަދިހަ ތިން ހާސް ހަސަތޭކަ ސާދަ (8993614.88) ރުފިޔާ ޚަރަދުވެއެވެ. ސެންޓްރަލް ޕާކް މަރާމާތުގެ މަސައްކަތުގެ ތެރޭގައި ހިނގާ ޕާތުވޭތައް ހެދުމާއި، ލައިޓިންގެ ބައެއް މަސައްކަތް އަދި އިށީންނާނެ ތަންތަން ހެދުން ހިމެނެއެވެ. މީގެ އިތުރުން ބައިސްކަލް ދުއްވާނެ ލޭނެއްވެސް ޕާކް ތެރެއިން ހެދާނެކަމަސްވެސް ފޮރިން މިނިސްތްރީން ވިދާލުވއެވެ.
އިންޑިއާ ސަރުކާރުގެ ހިލޭ އެހީގެ ދަށުން ކުރިއަށް ގެންދާ ހުޅުމާލެ އިރުމަތީ ފަރާތު އެރައިވަލް ޖެޓީ މަރާމާތުކުރުމުގެ މަޝްރޫއުއަށް ނުވަލައްކަ ނުވަދިހަ ފަސްހަސް ތިންސަތޭލަ އަށްޑިހަ ފަސް ރުފިޔާ (995385.12)ޙަރަދުވާކަމަށް ފޮރިން މިނިސްޓްރީން ވިދާޅުވެއެވެ.
މި 2 މަޝްރުވެސް ހިންގުމަށް ހަމަޖެހިފައިވަނީ ހައުސިންގ ޑިވެލޮޕްމަންޓް ކޯޕަރޭޝަން (އެޗް.ޑީ.ސީ)އިންނެވެ.
ވަރޗުއަލްކޮށް ބޭއްވި ރަސްމިއްޔާތުގައި ފޮރިން މިނިސްޓަރ އަބްދުﷲ ޝާހިދު ވިދާޅުވީ ވިދާޅުވީ 9.989 މިލިއަން ދިވެހި ރުފިޔާގެ މި ޕްރޮޖެކްޓްތަކުގެ ސަބަބުން ހުޅުމާލޭގައި ދިރިއުޅޭ ރައްޔިތުންނާ އަދި ހުޅުމާލެއަށް ޒިޔާރަތްކުރާ ފަރާތްތަކަށް ހިތްފަސޭހަ މާހައުލެއް ހޯދައިދިނުމަށް މަގުފަހިވެގެންދާނެކަމަށެވެ.
މި ރަސްމިއްޔާތުގައި ވާހަކަދއްކަވަމުން އިންޑިއާއިން ރާއްޖެއަށް ކަނޑައަޅުއްވާފައި ހުންނަވަާ ސަފީރު ސަންޖޭ ސުދީރު ވަނީ މީގެ ކުރިންވެސް އިންޑިއާއިން ހުޅުމާލޭގައި ދިރިއުޅޭ ރައްޔިތުންނަށާއި އަދި ހުޅުމާލޭގައި މަޝްރޫއުތައް ހިންގާފައިވާކަން ފާހަގަކުރައްވާފައެވެ. އަދި ހުޅުމާލޭގައި ހިންގަމުން އަންނަ މަޝްރޫއުތަކުގެ ސަބަބުން ހުރިހާ ރައްޔިތުންނަށްވެސް އެއިން ހެޔޮ ފައިދާ ލިބެމުންދާނެކަމަށް އުއްމީދު ކުރައްވާކަމަށެވެ.
މިމަޝްރޫޢުތަކަށް ފައިސާ ހަމަޖައްސާފައި ވަނީ 2019 ވަނަ އަހަރު މާޗް މަހު ދިވެހި ސަރުކާރަށް އިންޑިއާ ސަރުކާރުން ހަމަޖައްސައިދިން 106 މިލިއަން ދިވެހި ރުފިޔާގެ ހިލޭ އެހީގެ ތެރެއިންނެވެ.
މި މަޝްރޫޢު އިފްތިތާހު ކުރުމަށް ވަރޗުއަލްކޮށް ބޭއްވި ރަސްމިއްޔާތުގައި މިނިސްޓަރ އޮފް ފޮރިން އެފެއަރޒް އަބްދުﷲ ޝާހިދާއި، އިންޑިއާއިން ދިވެހިރާއްޖެއަށް ކަނޑައަޅާފައި ހުންނަވާ ސަފީރު ސަންޖޭ ސުދީރުގެ އިތުރުން ރައްޔިތުންގެ މަޖިލީހުގެ ހުޅުމާލެ ދާއިރާގެ މެމްބަރު އަލީ ނިޔާޒާއި ހައުސިންގ ޑިވެލޮޕްމަންޓް ކޯޕަރޭޝަން އަދި ދިވެހި ސަރުކާރާއި އިންޑިއާ ހައިކޮމިޝަންގެ އިސް ބޭފުޅުން ބައިވެރިވެވަޑައިގަތެވެ.