ޗައިނާ ކުޅުންތެރިން ގޯލް ޖެހުމަށްފަހު އުފާ ފާޅުކުރަނީ - ފޮޓޯ: ޒިންހުއާ
ފަސޭހަ ތިން ގޯލް ޖަހައި ވަރލްޑްކަޕް ކޮލިފިކޭޝަން ފުރަތަމަ ލެގުން ރާއްޖެ އަތުން ޗައިނާ މޮޅުވެއްޖެއެވެ. މިރޭ އިރުއޮއްސުނުއިރު ނިމުނު މެޗު ޗައިނާގައި ކުޅެ، ޗައިނާ ކާމިޔާބުކުރީ ތިން ލަނޑު ސުން ލަނޑުންނެވެ. ފުރަތަމަ ހާފްގައި ޗައިނާއިން ޖެހި ހަމައެކަނި ލަނޑު ކާމިޔާބުކޮށްދިނީ ޔު ދަބާއޯއެވެ. ދެވަނަ ހާފްގައި ލީޑް ފުޅާކޮށްދިނީވެސް އޭނާއެވެ. ޗައިނާގެ ތިންވަނަ ލަނޑު ކާމިޔާބުކޮށްދިނީ ޒަންގ ލިންޕެންގއެވެ. މެޗުގައި ރާއްޖެއިން އެންމެ ރަނގަޅު ހަމަލާއެއް އުފެއްދީ އަހުމަދު ނާޝިދުއެވެ. ދެވަނަ ހާފް ފަށައިގެން ޗައިނާ ލަނޑެއް ޖެހުމުގެ ކުރިން އަހުމަދު ނާޝިދު ކުރިއަށް އަރައި ފޮނުވާލި ބޯޅަ ދިޔައީ އަރިމަތީ ދަނޑި ކައިރިންނެވެ. މިގްރޫޕްގައި ހޮންކޮންގއާއި ޤަޠަރު ވާދަކުރި މެޗު ދޭއް ސުމަކުން ކާމިޔާބުކުރީ ޤަޠަރެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ