ހދ. ނައިވާދޫ އާއި ހދ.ނޭކުރެންދޫ ސްކޫލްގެ ވަށާފާރު ރޭނުމުގެ މަސައްކަތް ކުރުމަށް ޓްރައިކޯ އިންވެސްޓްމަންޓާއި ހަވާލުކޮށްފިއެވެ.
މި އެއްބަސްވުމުގައި އެޑިއުކޭޝަން މިނިސްޓްރީން ސޮއިކުރެއްވީ ސްޓޭޓް މިނިސްޓަރ އަޙްމަދު ރިޔާޒް އެވެ. އަދި ޓްރައިކޯ އިންވެސްޓްމަންޓް އިން ސޮއިކުރެއްވީ ޑިރެކްޓަރ އަލީ ނިޒާމެވެ.
މިގޮތުން ނައިވާދޫ ސްކޫލްގެ ވަށާފާރު ރޭނުމުގެ މަސައްކަތް ކުރުމަށް އެ ކުންފުންޏާ ހަވާލުކޮށްފައި ވަނީ 68 ދުވަހުގެ ތެރޭގައި ނިންމާގޮތަށް އެއްމިލިއަން ދެލައްކަ އަށްޑިހަ އަށްހާސް އަށްސަތޭކަ އަށްޑިހަ އަށް ރުފިޔާ އަށްޑިހަ އަށް ލާރި އަށެވެ.
ދ. ނޭކުރެންދޫ ސުކޫލް ވަށާ ފާރު ރޭނުމުގެ މަސައްކަތް ކޮށް ނިންމުމަށްވެސް އެ ކުންފުންޏާ ހަވާލުކޮށްފައި ވަނީ 68 ދުވަސް ތެރޭގައެވެ. މި މަސައްކަތް ކުރުމަށް އެއްމިލިއަން އެއްލައްކަ އަށްޑިހަ އަށްހާސް އަށްސަތޭކަ އަށްޑިހަ އަށް ރުފިޔާ އަށްޑިހަ އަށް ލާރި ޚަރަދުވެއެވެ.
އެޑިއުކޭޝަން މިނިސްޓްރީން އަމާޒު ހިފާފައި ހުރި އަންނަ އަހަރުގެ ޖެނުއަރީ މަހުގެ ފަހުކޮޅު އެ ދެ ސޫކްލްގެ ވަށާފާރު ރޭނުމުގެ މަސައްކަތް ނިންމުމަށެވެ.
އެޑިއުކޭޝަން މިނިސްޓްރީން އަންނަނީ ސްކޫލްތަކަށް ދިމާވެފައިވާ ޖާގައިގެ ދަތިތަކަށް ހައްލު ހޯދައިދިނުމަށްޓަކައި އިތުރު ކްލާސްރޫމްތައް އެޅުމާއި ކިޔަވއިދިނުމަށް ބޭނުންވާ އެހެނިހެން ސާމާނުތައްވެސް ފޯރުކޮށްދެއްވަމުންނެވެ. މީގެ އިތުރުން ސްކޫލްތަކުގެ އައުބައުތުރަ ފިލުވުމުގެ މަސައްކަތްތައްވެސް އަންނަނީ ކުރަމުންނެވެ.