ފަތުރުވެރިކަމުގެ ސިނާޢަތުގައި ފާހަގަކޮށްލެވޭ ދިވެހިންގެ އަގުވަޒަންކުރުމަށް އަންނަ އަހަރު ފައްޓަވާނެކަމަށް ޓުއަރިޒަމް މިނިސްޓަރ އަބްދުﷲ މައުސޫމް ވިދާޅުވެއްޖެއެވެ.
މިނިސްޓަރ މައުސޫމް ކުރެއްވި ޓްވީޓެއްގައި ވިދާޅުވީ އަންނަ އަހަރު "ސްޓާސް އޮފް ޓުއަރިޒަމް" ނަމުގައި ވެބް ޕްލެޓްްފޯމެއް ޤާއިމުކުރައްވައި، މި ސިނާޢަތުގައި ތިބި އެކި ދާއިރާތަކުން ފާހަގަކޮށްލެވޭ ދިވެހިންގެ އަގުވަޒަން ކުރައްވާނެކަމަށެވެ.
Insha Allah, In 2021 we will initiate a #StarsOfTourism web platform to recognize and reward high performing dedicated Maldivian star professionals in the major catogeries of tourism sector employment. #Maldives #Tourism#TogetherWeCan#StarsOfTourism
— Abdulla Mausoom (@Mausoom_Maus) December 18, 2020
https://t.co/5nu0BnEpZR
މިއީ މިފަދަ ގޮތަކަށް ފަތުރުވެރިކަމުގެ ދައިރާގައި ހަރަކާތްތެރިވާ ދިވެހިންނަށް އަގުވަޒަން ކުރާ ފުރަތަމަ ފަހަރެވެ.
ސަރުކާރުން ދަނީ މި ސިނާޢަތުގައި ދިވެހިންގެ ދައުރު އިތުރުކޮށް ރިސޯޓުތަކުގެ މަތީފެންވަރުގެ މަޤާމުތަކަށް ދިވެހިން ހަމަ ޖެއްސުމާއި ގުޅޭ ސިޔާސަތުތައްވެސް ކަނޑައަޅަމުންނެވެ. މީގެ އިތުރުން ދިވެހިން ސިނާޢަތުގައި ތަމްރީންކުރެވޭ މިންވަރު އިތުރުކޮށް ދިވެހިންނަށް އިތުރު އަހަމިއްޔަތުކަމެއް ދިނުމުގެ ގޮތުން އިންޓާންޝިޕް ޤަވާއިދަށް ބަދަލު ގެނެސް ކޮންމެ ބިދޭސީ އިންޓާނަކަށް ދެ ދިވެހީން ތަމްރީނު ކުރާ ގޮތަށް ޤަވާއިދު ވަނީ ބަދަލު ކޮށްފައެވެ.