ދުވާލެއްގެ މައްޗަށް އަންނަ ފަތުރުވެރިންގެ އަދަދު 5555 ފަހަނަޅައި ގޮސް އިތުރު ރެކޯޑެއް ހަދާފައިވާކަމަށް ޓުއަރިޒަމް މިނިސްޓްރީން ހާމަކޮށްފިއެވެ.
ޓުއަރިޒަމް މިނިސްޓަރ އަބްދުﷲ މައުސޫމް ކުރެއްވި ޓްވީޓެއްގައި ވިދާޅުވީ، ބޯޑަރު ހުޅުވާލިފަހުން އެންމެ ގިނަ އަދަދަކަށް ފަތުރުވެރިން އައިސްފައިވަނީ އާދީއްތަ ދުވަހުކަމަށެވެ. އެގޮތުން އެދުވަހު 5555 އަށްވުރެ ގިނަ މީހުން ރާއްޖެ އައިސްފައިވާކަމަށް މިނިސްޓަރ ވިދާޅުވިއެވެ. އަދި މިއީ މި ސިނާޢަތުގައި ހަރަކާތްތެރިވާ ހުރިހާ ފާރާތްތަކުގެ މަސައްކަތުން ލިބުނު ކާމިޔާބީއެއްކަން މިނިސްޓަރ ފާހަގަކުރައްވައެވެ.
AlhamdhLillah.
— Abdulla Mausoom (@Mausoom_Maus) December 20, 2020
A new record and a nice number surpassed again. Today #Maldives welcomed over 5555 tourists. Thanks to travel and tourism partners, related authorities and lovely Maldivian community for working towards tourism recovery. Love you ALL.#TogetherWeCan@visitmaldives
ޓުއަރިޒަމް މިނިސްޓްރީން އާންމު ކޮށްފައިވާ ތަފާސް ހިސާބަށް ބަލާއިރު، އިއްޔެ އެކަނިވެސް ރާއްޖެއަށް 5674 ފަތުރުވެރިން ވަނީ އައިސްފައެވެ.
މިއާއެކު އާދިއްތަ ދުވަހުގެ ނިޔަލަށް ބޯޑަރު ހުޅުވިފަހުން ރާއްޖެއަށް ޒިޔާރަތްކުރި ފަތުރުވެރިންގެ އަދަދު 132803 އަށް ވަނީ އަރާފައެވެ. އަދި މިއަހަރު ޒިޔާރަތްކުރި ފަތުރުވެރިންގެ އަދަދު 515650 އަށް ވަނީ އަރާފައެވެ.
ރާއްޖެއަށް މިހާތަނަށް އެންމެ ގިނައިން ފަތުރުވެރިން އައިސްފައިވަނީ ރަޝިއާއިންނެވެ. އެގޮތުން ބޯޑަރު ހުޅުވުމަށް ފަހު 25677 މީހުން އެޤައުމުން އައިސްފައިވެއެވެ. ދެން އެންމެ ގިނަ މީހުން އައިސްފައިވަނީ އިންޑިއާއިންނެވެ. އެގޮތުން އިންޑިއާއިން މިހާތަނަސް 22015 ފަތުރުވެރިން ރާއްޖެ ވަނީ އައިސްފައެވެ.
ޓުއަރިޒަމް މިނިސްޓްރީގެ ތަފާސް ހިސާބުތައް ދައްކާ ގޮތުން ބޯޑަރު ހުޅުވާލިފަހުން މިމަހު މިހާތަނަށް އެކަނިވެސް ބައިލައްކައަށް ވުރެ ގިނަ މީހުން ވަނީ އައިސްފައެވެ. އެގޮތުން ރާއްޖެ މިމަހުގެ 1 އިން 20 ވަނަ ދުވަހު ނިޔަލަށް 56662 މީހުން ވަނީ ޒިޔާރަތް ކޮށްފައެވެ.