ލަންކާގެ މައްތަލަ ރާޖަޕަކްސަ އިންޓަރނޭޝަނަލް އެއަރޕޯޓަށް، މޯލްޑިވިއަންގެ ޚާއްސަ ދަތުރުތަކެއް ބާއްވަން ނިންމައިފިއެވެ.
ލަންކާގެ ދެކުނު ސަރަހައްދުގައި އޮންނަ މައްތަލަ އިންޓަނޭޝަނަލް އެއަރޕޯޓަށް ކުރާ ފުރަތަމަ ދަތުރު އޮންނާނީ މިރެއެވެ. އެގޮތުން ހަފްތާއަކު ދެދަތުރު ކުރުމަށް ހަމަޖެހިފައިވާ ކަމަށް މޯލްޑިވިއަންއިން މަޢުލޫމާތުދެއެވެ. މަޢުލޫމާތު ލިބިފައިވާ ގޮތުގައި މިދަތުރުތަކަކީ ލަންކާއިން ޗާޓަރކޮށްގެން ބާއްވާ ދަތުރުތަކެކެވެ. މިދަތުރުތައް ކުރުމަށް ހަމަޖެހިފައިވަނީ އެއްމަސް ދުވަހުގެ މުއްދަތަށް ކަމަށް މޯލްޑިވިއަންއިން ބުނެއެވެ.
The national carrier of Maldives, Maldivian Air commences international scheduled flights to Mattala Rajapaksa International Airport starting today, the 23rd of December with seafarer movements.
— Mattala Rajapaksa International Airport (MRIA) (@MRIA_SriLanka) December 23, 2020
MRIA warmly welcomes @MaldivianAero to our exotic tourism destination airport. pic.twitter.com/iCjDjAD8vG
މައްތަލަ އިންޓަރނޭޝަނަލް އެއަރޕޯޓުގެ އިތުރުން ސްރީލަންކާގެ ރަތުމަލާނާ އިންޓަރނޭޝަނަލް އެއަރޕޯޓަށްވެސް މޯލްޑިވިއަންގެ ޝެޑިއުލް ދަތުރުތައް ފެށުމަށް މަސައްކަތް ކުރަމުންދާ ކަމަށް އެކުންފުނިން ވަނީ ބުނެފައެވެ.
ކޯވިޑް-19 އާއި ގުޅިގެން މޯލްޑިވިއަންގެ ބައިނަލްއަޤްވާމީ ޝެޑިއުލް ދަތުރުތައްވަނީ ހުއްޓިފައެވެ. ނަމަވެސް މިހާރު އިންޑިއާ އާއި ބަންގްލަދޭޝްގެ އިތުރުން ލަންކާއަށް ދަތުރުތަކެއް އެ އެއަރލައިނުން ދަނީ ބާއްވަމުންނެވެ.