ކޯވިޑަށްފަހު ރާއްޖޭގެ ބޯޑަރުތައް އަލުން ހުޅުވާލިފަހުން ރާއްޖެއަށް އެންމެ ގިނަ އަދަދަކަށް ފަސިންޖަރުން އަންނާނެ ކަމަށް ލަފާކުރެވެނީ މިއަދާއި މާދަމާކަމަށް އެމްއޭސީއެލުން ހާމަކޮށްފިއެެވެ.
މޯލްޑިވްސް އެއަރޕޯޓްސް ކޮމްޕެނީ ލިމިޑެޓު، އެމްއޭސީއެލުން ހާމަކުރާގޮތުގައި މިއަދާއި މާދަމާ ރާއްޖެއަށް ގިނަ އަދަދެއްގެ ފްލައިޓުތައް އައުމަށް ޝެޑިއުލްކޮށްފައިވާއިރު، ގިނަ އަދަދެއްގެ ފަސިންޖަރުން މި ފްލައިޓުތަކުގައި ރާއްޖެއަށް އަންނާނެއެވެ.
After border reopen, we are expecting to see the most amount of traffic & passengers @VelanaAirport on 26 & 27 Dec 2020.
— Maldives Airports Company Ltd - MACL (@MACLmedia) December 25, 2020
Our team is ready to attend to all the operational requirements for a smoother operation.
We thank all our stakeholders for their support and patience . pic.twitter.com/ZMHM4j5hXA
މިއަދާއި މާދަމާ އެއަރޕޯޓަށް ގިނަ އަދަދެއްގެ ފަސިންޖަރުން އަންނައިރު، އެމްއޭސީއެލުން ތިބީ އެއަރޕޯޓުގެ އޮޕަރޭޝަންގެ މަސައްކަތްތައް ވީހާވެސް އޮމާންކަމާއެކު ކުރިއަށްގެންދިޔުމަށް ތައްޔާރަށްކަމަށް އެކުންފުނިން ހާމަކުރެއެވެ.
އެމްއޭސީލުން ހާމަކުރާގޮތުގައި މިދެދުވަހުގެ ތެރެއިންވެސް މާދަމާ ވެލާނާ އިންޓަރނޭޝަލް އެއަރޕޯޓަށް އަންނަ ފްލައިޓުތަކާއި އަންނަ ފަތުރުވެރިންގެ އަދަދުވަރަށް ބޮޑަށް އިތުުވެގެންދާނެއެވެ. މިއާއެކު ބޯޑަރު ހުޅުވާލިފަހުން ދުވާލެއްގެ މައްޗަށް ރާއްޖެއަށް އަންނަ ފަތުރުވެރިންގެ އާ ރެކޯޑެއް ހެދުމުގެ ފުރުސަތު ބޮޑެވެ.
މިދިޔަ އާދިއްތަ ދުވަހުވެސް ރާއްޖެއަށްވަނީ ރެކޯޑު އަދަދަކަށް ފަތުރުވެރިން ޒިޔާރަތްކޮށްފައެވެ. އެދުވަހު ރާއްޖެއަށް ފަސް ހާސް ފަސް ސަތޭކަ ފަންސާސް ފަހަކަށްވުރެ ގިނަ ފަތުރުވެރިން އައިސްފައިވެއެވެ.