ކޯވިޑް-19އިން ދިފާޢުވުމަށް އުފައްދާފައިވާ ފައިޒާ ވެކްސިން ރާއްޖެއަށް ގެނެސްފިއެވެ.
ފައިޒާ ވެކްސިން ރާއްޖެ ގެނެސްފައިވަނީ ޤައުމުތަކަށް ހަމަހަމަ ކާމާއެކު ޤައުމުތަކަށް ވެކްސިން ފޯރުކޮށްދިނުމަށް ދުނިޔޭގެ ޞިއްޙަތު ޖަމިއްޔާއިން ކުރިއަށްގެންދާ ކޮވެކްސް ފެސިލިޓީގެ ތެރެއިންނެެވެ.
ޔުނިސެފް މޯލްޑިވްސްއިން ބުނީ ކޯވެކްސްގެ ތެރެއިން ފައިޒާ ވެކްސިންގެ 5,850ޑޯޒް މިއަދު ހަވީރުގެ ވަގުތެއްގައި ރާއްޖެ ގެނެސްފައިވާކަމަށެވެ.
ފައިޒާ ވެކްސިން ގެނައުމާއެކު ކޯވިޑް-19އިން ދިފަޢުވުމަށް ދުނިޔޭގައި އުފައްދާފައިވާ ތިން ވެކްސިނެއް މިހާރު މިވަނީ ރާއްޖެއަށް ލިބިފައެވެ. އެސްޓްރަޒެނަކާއާއި އިންޑިއާގެ ސީރަމް އިންސްޓިއުޓް ގުޅިގެން އުފައްދާފައިވާ ކޮވިޝީލްޑް ވެކްސިންއާ ޗައިނާގެ ސައިނޯފާމް ވެކްސިން މިހާރުވެސް ރާއްޖޭގައިއަންނަނީ ބޭނުންކުރަމުންނެވެ.
More vaccines have arrived!
— UNICEF Maldives (@UNICEFMaldives) March 25, 2021
Maldives has received 5,850 doses of Pfizer vaccines sent by COVAX facility to support the #COVID19 vaccination campaign.@UNICEF is supporting Gov. of Maldives in public communication, supply, logistics & cold chain management for the vaccination. pic.twitter.com/zw4a8Dr3yT
ރާއްޖޭގައި ކޯވިޑް-19އާއި ދެކޮޅަށް ބޭނުންކުރުމަށް ޖަރުމަނުވިލާތުގެ ބަޔޯއެން ޓެކްގެ ފައިޒާ ވެކްސިނަށް މޯލްޑިވްސް ފުޑް އެންޑް ޑްރަގް އޮތޯރިޓީއިން ޙުއްދަދީފައިވަނީ މިމަހުގެ 15ވަނަ ދުވަހުގައެވެ. ފައިޒާ ވެކްސިން ބަހައްޓަންޖެހެނީ ވަކި ޚާއްސަ ފިނިހޫނުމިނެއްގައި ކަމަށްވާތީ ރާއްޖޭގައި ވެކްސިން ރައްކާކުރެވޭނެ އިންތިޒާމު ހަމަޖައްސާފައިވާ ކަމަށް އެޗްއީއޯސީން ވިދާޅުވެއެވެ.
ފައިޒާ ވެކްސިންގެ ކާމިޔާބީގެ ނިސްބަތަކީ %95ކަމަށް އެވެކްސިންގެ 3ވަނަ މަރުހަލާގެ ތަހުލީލުތަކުންވަނީ ދައްކާފައެވެ.