އަންނަ ރަމަޟާން މަހު ޢާންމު ވިޔަފާރިތަކާއި ކެފޭ، ރެސްޓޯރެންޓު ފަދަ ތަންތަނުން ޙިދުމަތް ދެވޭނެ ގަޑިތައް އިކޮނޮމިކް މިނިސްޓްރީން ކަނޑައަޅުއްވައިފިއެވެ.
މިކަމާގުޅޭ ގޮތުން އިކޮނޮމިކް މިނިސްޓްރީން ވިދާޅުފައިވަނީ އާންމު ވިޔަފާރިތަކަށް ރޯދަމަހު ޙިދުމަތް ދެވޭނީ ހެނދުނު 8:00 އިން ފެށިގެން މެންދަމު 12:00އާ ހަމައަށް ކަމަށެވެ. އަދި އެޕްރީލް އެކަކުން ފެށިގެން ރޯދަމަސް ފެށެންދެން ޢާންމު ވިޔަފާރިތަކަށް ފަތިހު 5:30އިން ފެށިގެން މެންދަމުން 12:00އާ ހަމައަށް ޚިދުމަތް ދެވޭނެކަމަށް މިނިސްޓްރީން ވިދާޅުވެއެވެ.
ރޯދަމަހު ކެއިންބުއިމުގެ ޚިދުމަތްދޭ ތަންތަން ހުޅުވައިގެން ޚިދުމަތް ދެވޭނީ ހަވީރު 5:30އިން ފެށިގެން މެންދަމު 3:00އާ ހަމައަށް ކަމަށެވެ. އަދި އެޕްރީލް މަހުގެ އެއްވަނަ ދުވަހުން ފެށިގެން ކެއިން ބުއިމުގެ ޚިދުމަތް ދޭ ތަންތަން ރޯދަމަސް ފެށުމާހަމައަށް ހުޅުވައި ޚިދުމަތް ދެވޭނީ ފަތިހު 4:30އިން ފެށިގެން މެންދަމު 1:00އާ ހަމައަށް ކަމަށެވެ.
އިކޮނޮމިކް މިނިސްޓްރީން ވިޔަފާރި ގަޑިތައް ކަނޑައަޅައި ނިންމާފައިވާއިރު ޢާންމުކޮށް ހުޅުވައިގެން ކަސްޓަމަރުންނަށް ޚިދުމަތްދޭ ތަންތަނުން އެޗްޕީއޭގެ ޤަވާޢީދުތަކަށް އަމަލު ކުރުމަށް ވަނީ އިލްތިމާސްކޮށްފައެވެ.