އެޗްއެސްބީސީން 25 މިލިއަން ޑޮލަރުގެ އެސްޓީއަށް ދީފިއެވެ.
އެސްޓީއޯއިން ބުނީ އެޗްއެސްބީސީން ނެގި 25 މިލިއަން ޑޮލަރުގެ ލޯނުގެ ހުރިހާ ކަމެއްވެސް ބަލަހައްޓާނީ ފިނޭންސް މިނިސްޓްރީ މެދުވެރިކޮށްކަމަށެވެ. އެސްޓީއޯއިން ބުނީ މި ލޯންތަކަކީ ކޯވިޑްް-19އާ ގުޅިގެން ދިމާވި ދަތިތަކުން އަރަައިގަތުމަށް އެހީވުމުގެ ގޮތުން ނެގި ލޯނެއްކަމަށެވެ.
އެސްޓީއޯގެ މެނޭޖިން ޑިރެކްޓަރ ހުސެއިން އަމްރު ވިދާޅުވީ، އެޗްއެސްބީސީގެ އިތުރުން ބައިނަލްއަޤްވާމީ މާލީ އެހެނިހެން އިދާރާތަކާއި އެކު މަސައްކަތް ކުރެވިގެން ޖުމްލަ 62 މިލިއަން ޑޮލަރުގެ ހަމަޖެހިފައިވާކަމަށެވެ. އަދި ކުރިއަށް އޮތް ތަނުގައިވެސް އިތުރު އިދާރާތަކާއެކު އެސްޓީއޯއިން މަސައްކަތް ކުރަމުންދާނެކަމަށްވެސް އަމްރު ވިދާޅުވިއެވެ.
ކޯވިޑް-19އާ ގުޅިގެން ސަރުކާރުގެ މާލީ ހާލަތު ވަރަށް ބޮޑަށް ދަށްވެގެން ދިޔަކަމަށް ސަރުކާރުންވެސް ވަނީ ހާމަކޮށްފައެވެ. އެގޮތުން ފަހުގެ ތާރީހެއްގައި އިޤްތިޞާދީ ހާލަތު ދަށަށް ނުދާވަރަށް ދައްވިކަމަށް ސަރުކާރުން ވަނީ ހާމަކޮށްފައެވެ. މީގެ އިތުރުން ސަރުކާރު ކުންފުނިތަކުގެ ވިޔަފާރިވެސް މިބަލިމަޑުކަމާއެކު މަޑުޖެހިގެން ދިޔައެވެ.