އައްޑޫ ސިޓީ ހުޅުމީދޫ ފަޔަރ ސްޓޭޝަން ހުޅުވައިފިއެވެ. މިތަން ހުޅުވައި ދެއްވީ މިނިސްޓަރ އޮފް ޑިފެންސް އަލްއުސްތާޛާ މާރިއާ އަޙްމަދު ދީދީއެވެ.
މިރަސްމިއްޔާތުގައި ޑިފެންސް މިނިސްޓަރާއެކު، އައްޑޫސިޓީގެ މޭޔަރ ޢަބްދުﷲ ޞާދިޤާއި ސަދަން އޭރިއާ ކޮމާންޑަރ ކާނަލް އިބްރާހީމް ރަޝީދާއި އައްޑޫ ސިޓީ ކައުންސިލާއި ސިފައިންގެ ބައެއް އިސްވެރިން ބައިވެރިވެވަޑައިގަތެވެ.
މިރަސްމިއްޔާތުގައި ވާހަކަފުޅުދައްކަވަމުން ޑިފެންސް މިނިސްޓަރ ވިދާޅުވީ، މިއީ ހުޅުމީދޫ ރައްޔިތުންގެ ވަރަށް ބޮޑު އެދުމެއްކަމަށެވެ. އަދި މިހާރު އޮންނަ ގޮތުން އެންމެ އަވަސް ވެގެންވެސް ހިތަދޫގައި ހުންނަ ފަޔަރ ސްޓޭޝަނުން ހުޅުމީދުއަށް މީހުން އައިސް ހަރަކާތްތެރިވުމަށް 30 މިނެޓު ނަގާ ކަމަށާ މިތަނުގެ ސަބަބުން ހުޅުމީދުއަށް ސިފައިންގެ އަވަސް ޚިދުމަތް ލިބިގެން ދާނެކަމަށެވެ.
އައްޑޫސިޓީ ހުޅުމީދޫގައި ހުޅުވި މިދިޔަ ފަޔަރ ސްޓޭޝަނާއެކު މިއީ އެމްއެންޑީއެފްގެ ބެލުމުގެ ދަށުން ހުޅުވި 31 ވަނަ ފަޔަރ ސްޓޭޝަނެވެ. އަދި މިއީ ސަދަން އޭރިއާގެ 4 ވަނަ ފަޔާ ސްޓޭޝަން ކަމަށް އެމްއެންޑީއެފުން ވިދާޅުވެއެވެ.
މިހާތަނަށް ހުޅުމީދޫގައި އަލިފާނުގެ ހާދިސާއެއް ހިނގައިފިނަމަ އަލިފާން ނިންވަން އަންނަން ޖެހެނީ ހިތަދޫ ފަޔަރ ސްޓޭޝަނުންނެވެ.