ސަދަން ޗައިލް ޑިވެލޮޕްމެންޓް ސެންޓަރ ރައީސުލްޖުމުހޫއްރިއްޔާގެ ނައިބް ފައިސަލް ނަސީމް ހުޅުއްވައި ދެއްވައިފިއެވެ. މިސެންޓަރު ހުޅުވާފައިވަނީ އައްޑޫސިޓީ މަރަދޫ-ފޭދޫގައި ހުރި ދަަމަނަވެށި ހިންގި އިމާރާތުގައެވެ.
މިތަން ހުޅުވައި ދެއްވުމަށް، ސަދަން ޗައިލްޑް ޑިވެލޮޕްމެންޓް ސެންޓަރގައި ބޭއްވި ރަސްމިއްޔާތުގައި ނައިބް ރައީސްގެ އިތުރުން ހެލްތު މިނިސްޓަރ އަހުމަދު ނަސީމް އާއި ސަރުކާރުގެ އިސް ފަރާތްތަކުންވަނީ ވާޗުއަލްކޮށް، ބައިވެރިވެވަޑައިގެންފައެވެ. މިރަސްމިއްޔާތުގައި އައްޑޫއިން އައްޑޫ އެކުއެޓޯރިއަލް ހޮސްޕިޓަލުގެ ސީއީއޯ ޑރ. މުހައްމަދު ސޯލިޙް އާއި އައްޑޫސިޓީގެ މޭޔަރ އަބްދުﷲ ސޯދިޤް އާއި ކައުންސިލް މެންބަރުން ބައިވެރިވެވަޑައިގަތެވެ.
މިރަސްމިއްޔާތުގައި ސަދަން ޗައިލް ޑިވެލޮޕްމެންޓް ސެންޓަރ ހުޅުވައިދެއްވުމަށްފަހު ވާހަކަފުޅު ދައްކަވަމުން ނައިބް ރައީސް ވިދާޅުވީ، މިފަދަ ޚިދުމަތެއް ފެށިގެން ދާއިރު ދާއިރާއަށް މީހުން ތަމްރީނު ކުރުމަށް ޚާއްސަ އަހަމިއްޔަތު ކަމެއް ސަރުކާރުން ދެއްވާ ކަމަށެވެ. އަދި މިޚިދުމަތް ފުޅާވެ ދާދި އަވަހަށް މިފަދަ ތަނެއް އުތުރުގައި ހުޅުވިގެން ދާނެ ކަމަށްވެސް ނައިބް ރައީސް ވިދާޅުވިއެވެ.
މިރަސްމިއްޔާތުގައި ސަދަން ޗައިލް ޑިވެލޮޕްމެންޓް ސެންޓަރ ހުޅުވައިދެއްވުމަށްފަހު ވާހަކަފުޅު ދައްކަވަމުން ނައިބް ރައީސް ވިދާޅުވީ، މިފަދަ ޚިދުމަތެއް ފެށިގެން ދާއިރު ދާއިރާއަށް މީހުން ތަމްރީނު ކުރުމަށް ޚާއްސަ އަހަމިއްޔަތު ކަމެއް ސަރުކާރުން ދެއްވާ ކަމަށެވެ. އަދި މިޚިދުމަތް ފުޅާވެ ދާދި އަވަހަށް މިފަދަ ތަނެއް އުތުރުގައި ހުޅުވިގެން ދާނެ ކަމަށްވެސް ނައިބް ރައީސް ވިދާޅުވިއެވެ.
"އިރާދަ ކުރެއްވިއްޔާ ކުރިއަށް އޮތް ދުވަސްތަކުގައި ދާދި އަވަހަށް ސްޕީޗް ތެރަޕިސްޓުންނާއި، އޮކިއުޕޭޝަނަލް ތެރަޕިސްޓުންނާއި އަދި މިދާއިރާއަށް ބޭނުންވާ އެހެނިހެން މީހުން ބިނާކުރުމުގެ މަސައްކަތް އަޅުގަނޑުމެން ކުރިއަށް ގެންގޮސް، މިޚިދުމަތަކީ ރާއްޖޭގެ އުތުރުގައި ވެސް ފެށިގެން ދާނެ ޚިދުމަތެއްގެ ގޮތުގައި މަސައްކަތް ކުރާނަން." ނައިބް ރައީސް ފައިސަލް ނަސީމް ވިދާޅުވިއެވެ.
މިރަސްމިއްޔާތަށް ފަހު ޕީއެސްއެމް އާއި ވާހަކަ ދައްކަވަމުން އައްޑޫ އިކުއެޓޯރިއަލް ހޮސްޕިޓަލުގެ ސީއީއޯ ޑރ. މުހައްމަދު ސޯލިޙް ވިދާޅުވީ، މިތަން އުފެއްދުމުގެ ކުރިން ގިނަ ސްޓޭކް ހޯލްޑަރުންނާއި ބައްދަލު ކުރެވުނު ކަމަށެވެ. އަދި ގިނަ ފަރާތްތަކުން މިފަދަ ތަނެއް ހުރުމުގެ މުހިންމު ކަން ފާހަގަކޮށް އައްޑޫގައި މިފަދަ އެހީތެރިކަން ބޭނުންވާ ގިނަ ކުދިން ތިބި ކަން ފާހަގަ ކުރެއްވިކަމަށެވެ.
"އިރާދަ ކުރެއްވިއްޔާ ކުރިއަށް އޮތް ދުވަސްތަކުގައި ދާދި އަވަހަށް ސްޕީޗް ތެރަޕިސްޓުންނާއި، އޮކިއުޕޭޝަނަލް ތެރަޕިސްޓުންނާއި އަދި މިދާއިރާއަށް ބޭނުންވާ އެހެނިހެން މީހުން ބިނާކުރުމުގެ މަސައްކަތް އަޅުގަނޑުމެން ކުރިއަށް ގެންގޮސް، މިޚިދުމަތަކީ ރާއްޖޭގެ އުތުރުގައި ވެސް ފެށިގެން ދާނެ ޚިދުމަތެއްގެ ގޮތުގައި މަސައްކަތް ކުރާނަންނައިބް ރައީސް ފައިސަލް ނަސީމް ވިދާޅުވިއެވެ.
އޭއީއެޗް އިން ވިދާޅުވީ، މިތަނުން މ. އަތޮޅުން ފެށިގެން ދެކުނަށް އަމާޒުކޮށް ޚިދުމަތް ދޭން ތައްޔާރު ވެފައިވާ ކަމަށާއި، މިސަރަހައްދު ނޫނަސް އެހެން ސަރަހައްދުތަކުން އަންނަ ކުދިންނަށްވެސް ޚިދުމަތް ދިނުމުގެ އިންތިޒާމު ހަމަޖެހިފައިވާ ކަމަށެވެ. އަދި މިތަން ހުޅުވިގެން ފުރަތަަމަ 14 ދުވަހު ކުރިއަށް ގެންދެވޭނީ ކުދިން ހޯދައި ރެޖިސްޓްރޭޝަންގެ މަސައްކަތް ކަމަށް އޭއީއެޗް އިން ވިދާޅުވިއެވެ.
އައްޑޫގައި ޤާއިމު ކުރެވިގެން ދިޔަ ސަދަން ޗައިލްޑް ޑިވެލޮޕްމެންޓް ސެންޓަރަކީ ހެދި ބޮޑުވުމުގައި ދިމާވާ ތަފާތު އެކި މައްސަލަތަކަށް ފަރުވާދީ އެހީތެރިކަން ފޯރުކޮށްދިނުމުގެ ގޮތުން ޤާއިމު ކުރެވުނު ތަނެކެވެ. މިތަނުން ސްޕީޗް ތެރަޕީ އާއި އޮކިޕޭޝަނަލް ތެރަޕީގެ އިތުރުން ކްލިނިކަލް ސައިކޮލޮޖީގެ ޚިދުމަތްވެސް ފޯރުކޮށްދެވޭނެ ކަމަށް އޭއީއެޗް އިން ވިދާޅުވެއެވެ.