އެސްޓީއޯގެ ކާޑު ގުދަން ފައިލް ފޮޓޯ ޕީއެސްއެމް ނިއުސް
ހުޅުމާލޭގައި ހުންނަ އެސްޓީއޯ ކާޑު ގުދަނުގައި ހުރި ބަސްތާތަކެއް ފުރޮޅާލައި 3 މީހަކަށް އަނިޔާވެއްޖެއެވެ.
އެސްޓީއޯގެ މީޑިއާ އޮފިޝަލް ވިދާޅުވީ މިއަދު މެންދުރު ކުރީގައި ހިނގި މިހާދިސާގައި އަނިޔާލިބުނީ 3 ބިދޭސީއަކަށް ކަމަށާއި، އެ 3 މީހުންނަށް ހުޅުމާލެ ހޮސްޕިޓަލުގައި ފަރުވާ ދީފައިވާކަމަށެވެ.
އަދި އޭގެ ތެރެއިން 2 މީހަކު ފަރުވާއަށްފަހު ދޫކޮށްލާފައިވާކަމަށާއި އަނެއް މީހާ އައިޖީއެމްއެޗަށް ބަދަލުކުރުމުގެ މަސައްކަތް ކުރަމުންދާކަމަށެވެ.
މިހާދިސާ ހިންގަން މެދުވެރިވި ސީދާ ސަބަބު އެކުންފުނިން އަދި ހާމަކޮށްފައިނުވެއެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ