ރާއްޖޭގެ ދެކުނުގެ މަސްވެރިކަން ރަނގަޅުވެ، ގަނޑުކުރެވޭ ރޭޓަށްވުރެ އިތުރަށް މިފްކޯއަށް މަސް ލިބެމުންދާތީ މަސް ގަތުމުގައި އެކުންފުނިން ގެންގުޅުނު ކޮންޓްރޯލް ދޫކޮށްލައިފިއެވެ.
ކޮންޓްރޯލްކޮށްގެން މިފްކޯއިން މަސް ގަންނަން ފެށީ މިދިޔަ ހަފްތާގެ އާދީއްތަ ދުވަހުން ފެށިގެންނެވެ. އެގޮތުން، މަސް ގަންނަމުންދިޔައީ ކޮންމެ ދޯންޏަކުން 4 ޓަނުގެ ރޭޓުންނެވެ.
ދެކުނުގެ މަސްވެރިކަން ރަނގަޅުވުމުން ދުވާލެއްގެ މައްޗަށް 100އާ ގާތްކުރާ ޢަދަދަކަށް މަސް ދޯނިތައް މަސް ކިރުވަން ގއ.ކޫއްޑޫއަށް ދިޔަވެ. އެކު ކޫއްޑޫގެ ކެޕޭސިޓީފުރި މަސް ގަތުމުގައި މިފްކޯއަށް ދަތިތަކާއި ކުރިމަތިވިއެވެ.
ދެކުނަށް މަސްވެރިކަން ރަނގަޅުވުމާއެކު މިފްކޯއަށް އަހަރުގެ މިހާތަނަށް މަސް ކިރުވާފައިވާ އަދަދުވެސް މިިދިޔަ އަހަރާ އަޅައިބަލާއިރު ވަނީ އިތުރުވެފައެވެ. މިދިޔަ އަހަރުގެ އޭޕްރީލް މަހާ ހަމައަށް މިފްކޯއަށް ކިރުވާފައިވަނީ 15،000 ޓަނުގެ މަހެވެ. މިއަހަރުގެ މި މުއްދަތުގައި މިފްކޯއަށް 22،766 ޓަނުގެ މަސް ކިރުވާފައިވާކަމަށް އެކުންފުނިން ވިދާޅުވެއެވެ.
މަސްވެރިކަން ރަނގަޅުވާ ދުވަސްވަރު މަސް ކިރުވުމަށް މިފްކޯއަށް ދިމާވާ ދަތިތަކަށް ހައްލު ހޯދުމަށް އެކުންފުނިން ދަނީ މަސައްކަތް ކުރަމުންނެވެ.