އާޖެންޓީނާގެ ރައީސްކަމަށް އަލަށް އިންތިޚާބުވެވަޑައިގެންނެވި މައުރީސިއޯ
މަކްރީއަށް ރައީސުލްޖުމްހޫރިއްޔާ ޢަބްދުﷲ ޔާމީން ޢަބްދުލްޤައްޔޫމް ތަހުނިޔާ ވިދާޅުވެއްޖެއެވެ.
ރައީސުލްޖުމްހޫރިއްޔާގެ
މެސެޖުގައި، ދިވެހި ސަރުކާރާއި، ރައްޔިތުންނާއި، އެމަނިކުފާނުގެ އަމިއްލަ ނަންފުޅުގައި،
މައުރީސިއޯ މަކްރީއަށް ތަހުނިޔާ ވިދާޅުވެފައިވެއެވެ. އަދި މައުރީސިއޯ މަކްރީގެ ޒަޢާމަތުގައި، އާޖެންޓީނާއަށް އިތުރު ފާގަތިކަމާއި ކުރިއެރުން ލިބިގެންދާނެކަން ޔަޤީން ކުރައްވާ ކަމުގައި ރައީސުލްޖުމްހޫރިއްޔާ ވިދާޅުވެފައިވެއެވެ.
މީގެ އިތުރުން، ދިވެހިރާއްޖެއާއި އާޖެންޓީނާއާާ ދެ ޤައުމުގެ ދެމެދުގައި އޮތް ރަޙުމަތްތެރި ގުޅުން ކުރިއަށް
އޮތް އަހަރުތަކުގައި އިތުރަށް ވަރުގަދަ ވެގެންދާނެކަމަށް އުއްމީދުކުރައްވާ
ކަމުގައިވެސް ރައީސުލްޖުމްހޫރިއްޔާ ވިދާޅުވެފައިވެއެވެ.
***********