ލަންޑަންގެ ވާދަވެރިންކަމަށްވާ ޓޮޓްނަމް ބަލިކޮށް ޕްރިމިއަރ ލީގުގެ އެއްވަނަ މަގާމު ޗެލްސީން ދަމަހައްޓައިފިއެވެ. އިނގިރޭސި ޕްރިމިއަރ ލީގުގައި ޗެލްސީއާއި ޓޮޓްނަމް ވާދަކުރި މެޗު ޗެލްސީން ކާމިޔާބުކުރީ ތިނެއް ސުމަކުންނެވެ.
މެޗުގެ ފުރަތަމަ ހާފުގައި ޗެލްސީއަށް މާ އެދެވޭ ކުޅުމެއް ނުދެއްކުނެވެ. ދެވަނަ ހާފުގައި އެޓީމުންވަނީ މެޗަށް ބޮޑު ބަދަލެއް ގެނެސްފައެވެ. މިގޮތުން ދެވަނަ ހާފުގެ ހަތަރުވަނަ މިނެޓުގައި އެޓީމުން ލީޑް ނެގިއެވެ. މި ލަނޑު ޖަހައިދިނީ ޑިފެންޑަރ ތިއާގޯ ސިލްވާއެވެ. އެޓީމްގެ އަނެއް ދެ ލަނޑު ޖަހައިދިނީ އެންގޯލޯ ކާންޓޭ އަދި އެންޓޯނިއޯ ރޫޑިގާއެވެ.
މި މެޗުން މޮޅުވެ ޗެލްސީވަނީ ތާވަލްގެ އެއްވަނަ މަގާމް ދަމަހައްޓާފައެވެ. ދެވަނައިގައި އޮތް ލިވަޕޫލާއި މެންޗެސްޓަރ ޔުނައިޓެޑަށްވެސް ޗެލްސީއާއި އެއް އަދަދަކަށްވަނީ ޕޮއިންޓް ލިބިފައެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ