މާލެ ސަރަހައްދުގައި ފެއާރ، ނައިޓް މާކެޓު ބާއްވާނެ އުސޫލެއް އެކުލަވާލައި އުސޫލުގެ ދަށުން މިފަދަ ހަރަކާތް ބޭއްވުމަށް ފުރުސަތު ހުޅުވާލައިފިއެވެ.
ގްރޭޓަރ މާލޭ އޭރިއާގެ ތެރޭގައި ހިމެނޭ މާލެ، ވިލިމާލެ، އަދި ހުޅުމާލެ ހިމެނޭ ސަރަހައްދުގައި ފެއާއެއް ނުވަތަ ނައިޓު މާކެޓެއް ބޭއްވުމަށް ބޭނުންވާ ފަރާތްތަކަށް މި އުސޫލުގެ ދަށުން މިހާރު އެކަމަށް ކުރިމަތިލެވޭނެކަމަށް މާލޭ ސިޓީ ކައުންސިލުން ހާމަކުރެެއެވެ.
މިއުސޫލުގެ ދަށުން މިފަދަ ހަރަކާތްތައް ބާއްވަން ހުއްދަ ދެވޭނީ، މާލޭ ސިޓީ ކައުންސިލުން ކަނޑައަޅާ ދުވަސްތަކުގައި ނުވަތަ ސަރުކާޜު ބަނދު ދުވަސްތަކުގައިކަމަށް އުސޫލުގައިވެއެވެ. މީގެ އިތުރަށް މިފަދަ ހަރަކާތަކަށް ހުއްދަ ދޭއިރު އަމިއްލަ ފަރާތެއް ނަމަ މިފަދަ ކަމެއް ކުރުމުގެ ޤާބިލުކަން ހުރި ފަރާތެއްކަން ސާބިތުކޮށްދޭ ލިއުންތައް ހުށަހަޅަން ވާނެއެވެ. މީގެ އިތުރަށް ކްލަބް ޖަމިއްޢްޔާ، އާޢި ވިޔަފާރި ކުންފުނިތަކުން ހުށަހެޅޭނެ ކަމަށް މާލޭ ސިޓީ ކައުންސިލުން ވިދާޅުވެއެވެ.
މީގެއިތުރުން ޕްރޮސެސިން ފީއެއްގެ ގޮތުގައި 20،000ރ. ސިޓީ ކައުންސިލް އިދާރާއަށް ދައްކަން ވާނެކަމަށް މިއުސޫލުގައި ބަޔާން ކުރެއެވެ. އަދި އިންތިޒާމުކުރާ ފަރާތުން ސެކިއުރިޓީ ޑިޕޮޒިޓްއެއްގެ ގޮތުގައި 50،000ރ. ދައްކަން ޖެހެއެވެ. މީގެ އިތުރަށް ފެއާއެއް ނުވަތަ ނައިޓް މާކެޓެއް ބާއްވާ ސަރަހައްދުގައި އާންމުކޮށް މިފަދަ ހަރަކާތްތަކުގައި ބޭނުންވާ ހުރިހާ އިންތިޒާމެއް އަދި ސަރުކާރުގެ އިދާރާތަކުން ނަގަން ޖެހޭ ހުއްދައެއް އިންތިޒާމު ކުރާ ފަރާތުން ފުރިހަމަ ކުރަން ޖެހޭނެކަމަށް އުސޫލުގައި ބުނެއެވެ.
މާލޭގައި ފެއާ، ނައިޓް މާކެޓް އަދި މަގުމަތީ ބާޒާރު ހިންގުމުގެ އުސޫލެއް ޤާުއިމުކޮށްފައިވާއިރު، މިފަދަ ހަރަކާތްތަށް ބާއްވަން ބޭނުންވާ ފަރާތްތަކުން އެކަމަށް އެދި ހުށަހަޅަން ޖެހޭ ފޯމާއި، ލިއެކިއުންތަށް ރަސްމީ ދުވަސްތަކުގައި ސިޓީ ކައުންސިލް އެޑްމިނިސްޓްރޭޝަން ސެކްޝަނަށް ކޮންމެ ދުވަހަކު 10:00 އިން މެނދުރު ފަހު 1:00 އަށް ހުށަހެޅޭނެކަމަށް މާލެ ސީޓީ ކައުންސިލުން ބުނެއެވެ.