އަމާރީ ބްރޭންޑުގެ އިތުރު ރިސޯޓެއް ރާއްޖޭގައި ހުޅުވަން ތައްޔާރުވެއްޖެއެވެ.
ރ. އަތޮޅުގައި ތަރައްޤީކުރާ އަމާރީ ރާޔާ މޯލްޑިވްސް ރިސޯޓު ހުޅުވުމަށް ހަމަޖެހިފައިވަނީ އަންނަ އޭޕްރީލްމަހުގެ ތެރޭގައެވެ. 200 ކޮޓަރީގެ މި ރިސޯޓުގައި، ތަފާތު އެކި ކަހަލަ ކެއުންތައް ލިބޭ 7 ރެސްޓޯރެންޓާއި، ސްޕާއެއްގެ ޚިދުމަތުގެ އިތުރުން ކިޑްސް ކްލަބެއްވެސް ހުންނާނެއެވެ.
ތައިލެންޑްގެ އޮނިކްސް ހޮސްޕިޓަލިޓީ ގުރޫޕުގެ އަމާރީ ބުރޭންޑުގެ ރިސޯޓެއް މިހާރުވެސް ރާއްޖޭގައި އަންނަނީ ހިންގަމުންނެވެ. އެއީ ހުވަދުއަތޮޅު ދެކުނުބުރީ ހަވޮއްޑާގައި ހިންގާ ރިސޯޓެވެ. އަމާރީ ހަވޮއްޑާ މޯލްޑިވްސްގެ ނަމުގައި ހުޅުވުމަށް ހަމަޖެހިފައިވާ 120 ކޮޓަރީގެ މި ރިސޯޓްގައި އެއްގަމުގައި 60 ވިލާ ހުންނައިރު، މޫދުގައިވެސް 60 ވިލާ ހުރެއެވެ.
އޮނިކްސް ހޮސްޕިޓަލިޓީ ގުރޫޕުން މިހާރުވެސް އަންނަނީ އޭޝިއާ އަދި ޕެސިފިކް ސަރަހައްދުގައި ފަންސާސް އެއް ޕްރޮޕަޓީ އެއް މެނޭޖްކުރަމުންނެވެ. އެގޮތުން މިހާރުވެސް 44 ޕްރޮޕަޓީއެއް ހިންގަމުން އަންނައިރު އެކުންފުނީގެ އަމާޒަކީ 2025ގެ ނިޔަލަށް 54 ޕްރޮޕަޓީ ހިންގުމެވެ.