ކޮލަމްބިޔާއަށް ބޯކޮށް ވާރޭ ވެހި ބިންގަނޑު ކަނޑައިގެން ދިއުމުގެ ޙާދީޘާތަކުގައި 34 މީހުން މަރުވެ، ގިނަ ޢަދަދެއްގެ ބަޔަކު މަރުވެއްޖެއެވެ.
ބިންގަނޑު ކަނޑައިގެން ދިއުމުގެ ޙާދިޘާތައް ހިނގައިފައި ވަނީ ކޮލަމްބިޔާގެ ޗޮކޯ ޕްރޮވިންސްގެ ކުއިބްޑޯއާއި މެޑެލިން ސިޓީ ގުޅޭ ފަރުބަދަމަތީ ސަރަހައްދެއްގައެވެ. އެ ސަރަޙައްދަށް މެދުނުކެނޑި 24 ގަޑިއިރު ބޯކޮށް ވާރޭވެހިފައިވެއެވެ. އެ ޙާދިޘާގައި ކިސަޑުގައި ތާށިވެފައިވެސް އެތައް ބަޔަކު އެބަތިއްބެވެ. އެ މީހުން ސަލާމަތް ކުރުމުގެ މަސައްކަތް ކަމާބެހޭ ފަރާތްތަކުން އަންނަނީ ކުރަމުންނެވެ. ނަމަވެސް ބޯކޮށްވާރޭވެހުމުގެ ސަބަބުން މީހުން ސަލާމަތްކުރުމަށް ދަތިތަކެއް ހުރި ކަމަށް ކޮލަމްބިޔާގެ ދިފާޢީ ވުޒާރާއިން ބުނެއެވެ.
ހަމަ އެ ސަރަޙައްދުގައި މިދިޔަ ޑިސެމްބަރު މަހުގެ 22 ވަނަ ދުވަހު ވެސް ވަނީ ބިންގަނޑު ކަނޑައިގެން ދިއުމުގެ ޙާދިޘާއެއް ހިނގައިފައެވެ. އެ ޙާދިޘާގައި 27 މީހުން މަރުވެފައިވެއެވެ.
ކޮލަމްބިޔާގެ ބޮޑު ބަޔަކަށް ހަނަފަސްކަން ކުރިމަތިވެފައި އޮތް ނަމަވެސް، އެމެޒޮން ޖަންގަލި ހިމެނޭހެން ޕެސިފިކް ސަރަޙައްދުތަކަށް ބޯކޮށް ވާރޭ ވެހޭނެ ކަމަށް އެ ޤައުމުގެ މޫސުމާބެހޭ އިދާރާއިން ވަނީ ބުނެފައެވެ.