ޓީސީ ސްޕޯޓްސް ކުލަބްގެ އާ ޖަރޒީ ރޭ ދައްކާލައިފިއެވެ. ޓީސީ ސްޕޯޓްސް ކުލަބުން މިއަހަރާއި، މިއަންނަ އަހަރު ބޭނުންކުރާ އާ ޖަރޒީއަކީ އޯލް ސްޕޯޓްސްއިން ވިއްކަމުންދާ ގްރޭންޑް ސްޕޯޓްސް ބްރޭންޑްގެ ޖަރޒީއެކެވެ. ޓީސީ ސްޕޯޓްސް ކުލަބްގެ އާ ޖަރޒީ ރޭ އެކުލަބާ ހަވާލުކޮށްދެއްވީ އޯލް ސްޕޯރޓްސްގެ ޗެއަރމަން އަދި ކުރީގެ މަޝްހޫރު ފުޓްބޯޅަ ރެފްރީ ވިލުފުށީ ދާއިރާގެ މަންބަރު ރިޔާޒު ރަޝީދުއެވެ. ޖަރޒީ ހަވާލުކޮށްދެއްވުމަށްފަހު ވާހަކަދައްކަވަމުން ރިޔާޒު ރަޝީދު ވިދާޅުވީ ފުރަތަމަ ޑިވިޝަނަށް އާ ކުލަބެއް ނަމަވެސް ފުރަތަމަ ޑިވިޝަންގައި ވަރުގަދަ ބާރަކުން އޯލް ސްޕޯޓްސް ހިޔާރު ކުރެއްވީތީ ޝުކުރު އަދާކުރައްވާކަމަށެވެ. އަދި ޓީސީ ސްޕޯޓްސް ކުލަބަކީ ތަފާތު ކުލަބްއެއްކަމަށްވެސް ރިޔާޒު ވިދާޅުވިއެވެ.
"ޓީސީއަކީ ތާފާތު ކުލަބެއް. ފުރަތަމަ ޑިވިޝަންގައި މިހާރު ނަންހިގާ މިކުލަބަކީ މިހާރު ފުޓްބޯޅައިގައި ވިދަމުންދާ ކުލަބެއް. ޓީސީ މިފަހަރު ފެންނާނީ ވަރަށް ތަފާތުކޮށް، އެއީ އެޓީމްގައި ކޮންމެ ކަމަކަށްވެސް ހާއްސަ ޖަރޒީއެއް ހުންނާނެ. ޓެރެވަލް ކިޓް، ހޯމް ކިޓް އަދި އަވޭ ކިޓްވެސް އެކުލަބްގައި ހުންނާނެ." ރިޔާޒް ވިދާޅުވިއެވެ.
އޯލް ސްޕޯޓްސްގެ ފަރާތުުން ވާހަކަ ދައްކަވަމުން އެ ކުންފުނީގެ މާކެޓިންގ މެނޭޖަރ ނިޝާން ވިދާޅުވީ ޓީސީ ސްޕޯޓްސް ކުލަބުން މިއަހަރު ބޭނުންކުރާ ޖަރޒީއަކީ ކުޅުންތެރިންގެ ގަޔަށް ފަސޭހަ، އަދި ހާއްސަ މެޓީރިއަލްއަކުން ތައްޔާރުކޮށްފައިވާ ޖަޒީއެއްކަމަށެވެ.
މިއަހަރުގެ ފުޓްބޯޅަ ސީޒަންގައި ޓީސީގެ ފުރަތަމަ މެޗްގައި އެޓީމް މިރޭ ނިކުންނާނީ ކުލަބް އީގަލްސްއާ ދެކޮޅަށެވެ.