މިސްކިތްތަކުގެ ހާލަތު ފަސޭހައިން ދެނެގަނެވޭނެ ޕޯޓަލެއް އިފްތިތާޙުކޮށްފި
-
ފޯޓަލްއިން ކޮންމެ ހަފްތާއަކުވެސް މިސްކިތްތަކުގެ ޙާލަތުތައް ދެނެގަނެވޭނެ
-
ޕޯޓަލް މެދުވެރިކޮށް މިސްކިތަށް ދިމާވާ މައްސަލަތައް ކައުންސިލަށް ރިޕޯޓުކުރެވޭނެ
މިސްކިތްތަކުގެ ޙާލަތު ފަސޭހައިން ދެނެގަނެވޭނެ ޕޯޓަލެއް އިސްލާމީ ކަންތައްތަކާ ބެހޭ ވުޒާރާއިން އިފްތިތާޙުކޮށްފިއެވެ.
އިސްލާމީ ކަންތައްތަކާ ބެހޭ ވުޒާރާގައި މިއަދު ބޭއްވި ރަސްމިއްޔާތެއްގައި"މޮސްކް މެނޭޖްމަންޓް ޕޯޓަލް" އިފްތިތާހްކޮށްދެއްވީ، މިނިސްޓަރ އޮފް ސްޓޭޓް ފޯ އިސްލާމިކް އެފެއާރޒް ޑރ. މުޙައްމަދު ޝުޖާޢު ޢަބްދުލް ޙަކީމެވެ.
އިސްލާމީ ކަންތައްތަކާބެހޭ ވުޒާރާއިން ވިދާޅުވީ މިޕޯޓަލްގެ އެހީގައި އިމާމުން މެދުވެރިކޮށް މިސްކިތްތަކުގެ ޙާލަތު ބަރާބަރަށް ކޮންމެ ހަފްތާއަކުވެސް ބެލޭނެ އިންތިޒާމު ހަމަޖެހޭނެ ކަމަށެވެ. ހަމައެހެންމެ، ޕޯޓަލްއިން މިސްކިތްތަކަށް ދިމާވާ މައްސަލަތައް، ކައުންސިލަށް ރިޕޯޓުކުރެވޭނެ ކަމަށްވެސް އިސްލާމީ ކަންތައްތަކާ ބެހޭ ވުޒާރާއިން ވިދާޅުވެއެވެ.
އަދި މިސްކިތްތަކާ ބެހޭ ގޮތުން ރިޕޯޓުކުރެވޭ އެކިއެކި މައްސަލަތައް ވަގުތުން ހައްލުކުރުމަށް، ކައުންސިލްތަކަށް ބާރު އެޅުމަށްޓަކައި، ކައުންސިލްތަކާ އިސްލާމީ ކަންތައްތަކާ ބެހޭ ވުޒާރާއާ ދެމެދު ޕޯޓަލުން ފަސޭހައިން މަޢުލޫމާތު ބަދަލުކުރެވޭނެ ކަމަށްވެސް އިސްލާމީ ކަންތައްތަކާ ބެހޭ ވުޒާރާއިން ވިދާޅުވެއެވެ.
މޮސްކު މެނޭޖްމެންޓު ޕޯޓަލެއް ޤާއިމްކުރުމަކީ ރައީސުލްޖުމްހޫރިއްޔާގެ ހަފްތާ-14ގެ މަގު ޗާޓުގައި ހިމަނުއްވާފައިވާ ކަމެކެވެ.