އޭއެފްސީ ކަޕްގައި ކުރިއަށްދިއުމަށް ސިންގަޕޫރުގެ ބެލަސްތާގެ މައްޗަށް ކުރި ހޯދުން ވަރަށް މުހިންމުކަމަށް ނިއުރޭޑިއެންޓް ސްޕޯޓްސް ކުލަބްގެ ކޯޗް ޔޮރްދާން ސްޓައިކޯފް ބުނެފިއެވެ.
އޭއެފްސީ ކަޕްގައި ސިންގަޕޫރްގެ ބެލަސްތާއާ ވަދާކުރުމަށް ހަމަޖެހިފައިވާ މެޗްއަށް ސިންގަޕޫރްއަށް ފުރުމުގެ ކުރިން ޕީއެސްއެމްއާ ވާހަކަދައްކަމުން ސްޓައިކޯފްބުނީ ކޮންމެ މެޗަކީވެސް ވަރަށް މުހިންމު މެޗެއްކަމަށެވެ. މުބާރާތުގައި ކުރިއަށްދިއުމަށް މިއަންނަ އަންގާރާ ދުވަހު ސިންގަޕޫރްގައި އެގައުމްގެ ބަލަސްތާއާ ދެކޮޅަށް ކުޅޭ މެޗްގައި 3 ޕޮއިންޓް ހޯދުންވަރަށް މުހިންމުކަމަށާ މިމެޗްއަށް ހާއްސަ ސަމާލްކަމެއްދޭނެކަމަށްވެސް ސްޓައިކޯފްބުންޏެވެ. ސްޓައިކޯފްބުނީ ބެލަސްތާއަކީވެސް ވަރުގަދަ ޓީމެއްކަމަށާ ނަމަވެސް އެޓީމަކީވެސް ނިއުރޭޑިއަންޓްއަށް ބަލިނުކުރެވޭ ވަރުގެ ޓީމްއެއް ނޫންކަމަށެވެ. އާންމު ގޮތެއްގައި ނިއުރޭޑިއަންޓްގެ ކުޅުންތެރިން ރަށުން ބޭރުގައި މާރަނަގަޅަށް ކުޅޭކަމަށްވެސް ސްޓައިކޯފްބުންޏެވެ.
"މުބާރާތުގައި ކުރިއަށްދާން ބޭނުންވާކަމަށްވާނަމަ، ބެލަސްތާއާ ދެކޮޅށް މޮޅު ކުޅުމެއް ދައްކަން ޖެހޭނެ. މެޗްގެ މުހިންމުކަން މިހާރު ވަނީ ކުޅުންތެރިންނަށް ވަރަށް ރަނގަޅަށް ބުނެދީފަ، އަދި ކުޅުންތެރިންނަށް އަހަރެން ވަރަށް އިތުބާރުވެސް ކުރަން. ރަށުން ބޭރުގައި ނިއުގެ ކުޅުންތެރިން މާރަނގަޅަށް ކުޅޭ." ނިއުގެ ކޯޗް ސްޓައިކޯފް ބުނެޏެވެ.
އޭއެފްސީ ކަޕްގައި ނިއު މިހާތަނަށް 4 މެޗް ކުޅެފައިވާއިރު، އެޓީމްއަށް ލިބިފައިވަނީ 2 ޕޮއިންޓްއެވެ. ގުރޫޕްގެ 1ވަނާގައި އޮތީ ކާޔާ އެފްސީ 9 ޕޮއިންޓްއާއެކު އަދި 2ވަނާގައި އޮތީ ހޮންކޮންގްގެ ކިޗީ 7 ޕޮއިންޓްއާއެކުއެވެ.