ކުލަބް މޯލްޑިވްސްގެ ޗެމްޕިއަންކަން ބީއެމްއެލް ހޯދައިފި

ކުލަބް މޯލްޑިވްސްކަޕް ފުޓްސެލް މުބާރާތުގެ ޗެމްޕިއަންކަން ބީއެމްއެލް ހޯދައިފިއެވެ.

ބީއެމްއެލް ޗެންޕިއަންކަން ހޯދީ ރޭ ކުޅުނު ފައިނަލްގައި އެމްއާރްޑީސީއާއި ވާދަކޮށް 6 ލަނޑު 2 ލަނޑުން މެޗް ކާމިޔާބުކޮށްގެންނެވެ. ފައިނަލްގައި ވާދަކުރި އެމްއާރްޑީސީއާ ބީއެމްއެލްއަކީވެސް މުޅިން އަލަށް މިމުބާރާތުގެ ފައިނަލްގައި ވާދަކުރި ދެޓީމެވެ. 

މިމުބާރާތުގެ ފެއާރ ޕްލޭ ކުޅުންތެރިއަކީ ފެނަކަ ޓީމްގެ ހުސެން ޝަރީފެވެ. އެންމެ ގިނަ ލަނޑުޖެހި ކުޅުންތެރިއަކީ ފެނަކަ ޓީމްގެ އަބްދުﷲ ޝައްފާންއެވެ. ޝައްފާން ވަނީ މިމުބާާރާތުގައި 10 ގޯލް ޖަހާފައެވެ. މުބާރާތުގެ އެންމެ މޮޅު ކޯޗަކީ އަލަށް މިމުބާރާތުގެ ޗެމްޕިއަންކަން ހޯދި ބީއެމްއެލްގެ އިސްމާޢީލް އަނިލްއެވެ. އެންމެ މޮޅު ސަޕޯޓިން ޓީމަކީ ކުލަބް އެމްއާރްޑީސީއެވެ. މުބާރާތުގެ އެންމެ މޮޅު 5 ކުޅުންތެރިންނަކީ ފެނަކައިގެ އަހުމަދު ހަލީމް، ހުސެން ޝަރީފް، ކުލަބް އެމްއާރްޑީސީގެ އަހުމަދު އަހުސަން، މުހައްމަދު ސުޖާން އަދި ބީއެމްއެލްގެ އިބްރާހީމް ހަމްދާނެވެ. 

img:http://s3.psmnews.mv/images/660x400/14616131736118.jpg|މައިލޯ ކުލަބް މޯލްޑިވްސްގެ އެންމެ މޮޅު 5 ކުޅުންތެރިން (ފޮޓޯ:ޕީއެސްއެމް-އަލީ)

މުބާރާތުގެ އެންމެ މޮޅު ކުޅުންތެރިއަކީ ޗެންޕިއަން ބީއެމްއެލްގެ އިބްރާހީމް ހަމްދާނެވެ. މިމުބާރާތުގެ އަންހެންބައިގެ ޗެންޕިއަންކަން ހޯދީ ކުލަބް އިމިގްރޭޝަނެވެ.

img:http://s2.psmnews.mv/images/660x400/14616131467594.jpg|މައިލޯ ކުލަބް މޯލްޑިވްސްގެ ޗެންޕިއަން ބީއެމްއެމް (ފޮޓޯ:ޕީއެސްއެމް-އަލީ)