16 އަހަރުން ދަށުގެ ކްރިކެޓް މުބާރާތުގެ ތެރެއިން (ފޮޓޯ:ޕީއެސްއެމް-އަލީ)
މައިލޯ އިންޓަރ ސްކޫލް ކްރިކެޓް މުބާރާތުގެ ސޯޅަ އަހަރުން ދަށުގެ ޗެންޕިއަންކަން މުޙުޔިއްދީން ސްކޫލް ހޯދައިފިއެވެ.
މިބައިގެ ޗެންޕިއަންކަން މުޙުޔިއްދީން ސްކޫލް ހޯދީ ފައިނަލް މެޗްގައި އިސްކަންދަރު ސްކޫލާ ވާދަކޮށް 70 ލަނޑުން މެޗް ކާމިޔާބުކޮށްގެންނެވެ. ގުރު ދިމާވުމުން މުޙުޔިއްދީން ސްކޫލް ކުޅެންއަރާ 20 އޯވަރު ހަމަވީއިރު 6 ކުޅުންތެރިން ނުބައިވެގެން 131 ލަނޑު ހެދިއެވެ. ޖަވާބުގައި އިސްކަންދަރު ސްކޫލް ކުޅެންއަރާ 9.4 އޯވަރުގެ ތެރޭގައި ހުރިހާ ކުޅުންތެރިން ނުބައިވެގެން ހެދުނީ 61 ލަނޑެވެ. މިމެޗްގެެ އެންމެ މޮޅު ކުޅުންތެރިއަކީ މުހުޔިއްދީން ސްކޫލްގެ ރައްސާމްއެވެ.
މިމުބާރާތުގެ 14 އަަހަރުން ދަށުގެ ޗެންޕިއަންކަން ހޯދީ ތާޖުއްދީން ސްކޫލެވެ. އަދި ބާރަ އަހަރުން ދަށުގެ ޗެމްޕިއަންކަން ހޯދީ މުހުޔިއްދީން ސްކޫލެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ