"މެޗުގެ ފުރަތަމަ ވިއްސަކަށް މިނެޓުގައި އަހަރެމެން ފެނުނީ ވަރަށް ތަފާތު މޮޅުކޮށް،އޮސްޓްރިއާގެ ކޯޗު، ރަލްފް ރަންގްނިކް
ޔޫރޯ 2024 ގެ ގްރޫޕް ޑީ ގައި ރޭ ޕޮލެންޑް އަތުން 1-3 އިން މޮޅުވި މެޗަށްފަހު ދެއްކި ވާހަކައިގައި، އޮސްޓްރިއާގެ ކޯޗު، ރަލްފް ރަންގްނިކް ވަނީ، އޭނާގެ ޓީމުގެ ފަރާތުން ފުރަތަމަ ފެށިގެން ވިއްސަކަށް މިނެޓު ފެނިގެންދިޔައީ ތަފާތު މޮޅު ކުޅުމެއް ކަމަށާއި، އެކަމަކު އެއަށްފަހު ދެން މާބޮޑަށް ފަސޭހަކޮށްލެވުނީ ކަމަށް ބުނެފައެވެ.
ފުރަތަމަ ވިއްސަކަށް މިނެޓަށްފަހު އޭނާގެ ޓީމަށް މެޗު ފަސޭހަކޮށްލެވުނީ ކަމަށާއި، އިތުރު ގޯލެއް އެހާ ފަސޭހައިން ޖެހިދާނެ ކަމަށް ހީކުރެވުނުނަމަވެސް ގިނަ ކުޅުންތެރިންތަކެއްގެ ކުޅުން ދަށްވީ ކަމަށް ރަންގްނިކް ވަނީ ބުނެފައެވެ.
މިހެން މިގޮތަށް ދިމާވީ ޕްރެޝަރުގެ ސަބަބުން ކަމަށް ވެސް ވެދާނެ ކަމަށާއި، އެކަމަކު ދެން ފަހަރަކުން އެކަން އެގޮތަށް މެދުވެރިވިޔަ ދީގެން ނުވާނެ ކަމަށް ވެސް ރަންގްނިކް ބުންޏެވެ.
ރަންގްނިކް ބުނީ، ކުރިއަށް އޮތް ނެދަލެންޑްސް މެޗުގައި އެ ޓީމަށް އޮތް ޕްރެޝަރު ވަކި ކުޑަނުވާނެ ކަމަށެވެ. އެކަމަކު، އެ ޓީމަށް އެ މެޗުން ޕޮއިންޓެއް ލިބުނަސް އިޢްތިރާޒެއް ނެތް ކަމަށާއި، ފަހު މެޗު ކާމިޔާބުކޮށްގެން އޭނާގެ ޓީމަށް ގްރޫޕުގެ އެއްވަނަ އަށް ޖެހިލުމުގެ ފުރުޞަތު އެބައޮތް ކަމަށް ބުނެފައެވެ. އޭނާ ބުނީ، އެންމެ މުހިއްމީ ޕޮލެންޑާ ދެކޮޅަށް އޭނާގެ ކުޅުންތެރިން ދެއްކީ ޕާފޯމަންސް ކަމަށެވެ.
މުބާރާތުގައި އޮސްޓްރިއާ އަށް ދެން އޮތީ ގްރޫޕް ސްޓޭޖުގެ ފަހު މެޗުގައި މި މަހުގެ 25 ވާ އަންގާރަ ދުވަހު ނެދަލެންޑްސްއާ ދެކޮޅަށް ކުޅޭ މެޗެވެ.