މިދިޔަ މޭ މަހު އެކަނިވެސް 124 ވަރި، ޚަރަދުގެ 14 މައްސަލަ
-
މިދިޔަ އަހަރުގެ މެއި މަހު 132 ވަރި
-
މެއި މަހު 238 ކައިވެނި ކޮށްފައިވޭ
-
މެއި މަހު 242 މައްސަލަ ހުށައަޅާފައިވޭ
މިއަހަރުގެ މޭ މަހު އެކަނިވެސް 124 މީހުން ވަރިވެފައިވާކަމަށް ފެމިލީ ކޯޓުގެ ތަފާސްހިސާބުން ދައްކައިފިއެވެ.
ފެމިލީ ކޯޓުގެ ތަފާސްހިސާބުތައް ދައްކާގޮތުން މެއި މަހު 124 މީހަކު ވަރިވެފައިވާއިރު 238 ކައިވެނި ކޮށްދީފައިވެއެވެ. އަދި މި އަދަދުތައް މިދިޔަ އަހަރުގެ މެއި މަހާ އަޅާކިޔާއިރު، ވަރި އިތުރުވި ނަމަވެސް، ކައިވެނި މަދެވެ. އެގޮތުން މިދިޔަ އަހަރުގެ މެއި މަހު 132 މީހުން ވަރިވެފައިވެއެވެ. އަދި 185 ކައިވެނި ކޮށްފައިވެއެވެ.
މެއި މަހުގެ ތަފާސްހިސާބަށް ބަލާއިރު ފެމިލީ ކޯޓަށް ތަފާތު 242 މައްސަލަ ހުށައަޅާފައިވެއެވެ. މީގެ ތެރެއިން ކޯޓުން ނިންމާފައިވަނީ ޖުމްލަ 183 މައްސަލައެވެ.
މެއި މަހު ހުށައެޅުނު މައްސަލަތައް:
• ވަރީގެ 187 މައްސަލަ
• ކުޑަކުދިންނާ ގުޅުންހުރި 12 މައްސަލަ
• ޚަރަދުގެ 14 މައްސަލަ
• ގެވެށި އަނިޔާއާ ގުޅޭ 9 މައްސަލަ
• ޢާއިލީ އެހެނިހެން 20 މައްސަލަ
މެއި މަހު ނިމުނު މައްސަލަތައް:
• ވަރީގެ 146 މައްސަލަ
• ކުޑަކުދިންނާ ގުޅުންހުރި 11 މައްސަލަ
• ޚަރަދުގެ 8 މައްސަލަ
• ގެވެށި އަނިޔާއާ ގުޅޭ 10 މައްސަލަ
• ޢާއިލީ އެހެނިހެން 8 މައްސަލަ
ވަރި އިތުރުވުމަކީ ރާއްޖެއަށް ދިމާވެފައިވާ ވަރަށް ބޮޑު މައްސަލައެކެވެ. ޢިލްމުވެރިން ވިދާޅުވާ ގޮތުގައި ކައިވެންޏަކީ މާތްالله ދެއްވާ ނިޢުމަތަކާއި އެކަލާނގެ އަޅުތަކުންނަށް ލައްވާ ރަޙުމަތެކެވެ. އަދި ބައެއް ފިރިން މާތްالله ދެއްވި ނިޢުމަތަށް ފުރަގަސްދީ ކާފިރުވެ، ވަރި މިބަހަށް ފަރުވާ ކުޑަ ކުރާކަމަށް ޢިލްމުވެރިން ވިދާޅުވެއެވެ.
އެގޮތުން ފާއިތުވީ ތިން އަހަރުގެ ތެރޭގައި ފެމެލީ ކޯޓަށް ވަރިވުމަށް އެދި 3820 ވަރި ހުށަހަޅާފައިވެއެވެ. 2021ގައި 1193 ވަރި، 2022ގައި 1346 ވަރި، 2023ގައި 1281 ވަރި ރަޖިސްޓްރީ ކުރެވިފައިވާކަމަށް ފެމެލީ ކޯޓުގެ މަޢުލޫމާތުތަކުން ދައްކައެވެ.