ހުޅުމާލޭގައި ބިދޭސީން ދިރިއުޅޭ ތަނަކުން ވައްކަން ކުރި މީހަކު ހައްޔަރުކޮށްފި

ހުޅުމާލޭ ފޭސް1 ގައި ބިދޭސީން ދިރިއުޅޭ އެކޮމޮޑޭޝަންއަކުން ވައްކަން ކުރިކަމަށް ތުހުމަތުކުރެވޭ މީހަކު ހައްޔަރުކޮށްފިއެވެ.

ދިވެހި ފުލުހުންގެ ޚިދުމަތުން ވިދާޅުވީ، ހުޅުމާލޭ ފޭސް1 އިންޑަސްޓްރިއަލް ޒޯންގައި ބިދޭސީން ދިރިއުޅޭ އެކޮމޮޑޭޝަންއަކުން މިއަދު ފަތިހު ވައްކަންކުރި މައްސަލަ ފުލުހުންނަށް ރިޕޯޓްކޮށްފައިވާކަމަށެވެ.

މި މައްސަލައިގެ ތުހުމަތުގައި ރ. މީދޫ ނަސީމީގެ އުމުރުން 29 އަހަރުގެ މުޙައްމަދު ޝާފީ ހައްޔަރުކޮށްފައިވާކަމަށް ފުލުހުން ވަނީ ބުނެފައެވެ. އޭނާގެ އަތުން 7 މޯބައިލް ފޯނާއި، 1 ޕަވަރ ބޭންކާއި، 2 ވޮލެޓް ފެނިފައިވާކަމަށް ފުލުހުން ވަނީ ވިދާޅުވެފައެވެ.

މި މައްސަލަ ފުލުހުން އިތުރަށް ތަހްޤީގުކުރަމުންދާކަމަށްވެސް ވަނީ ވިދާޅުވެފައެވެ.