މިއަންނަ ހުކުރު ދުވަހު ފަށާ ޔޫރޯ ފުޓްބޯޅަ މުބާރާތް ޕީއެސްއެމްއިން ދެއްކުމަށް މީޑިއާ ނެޓާއެކު މިއަދު ސޮއިކޮށްފިއެވެ.
މިއަދު ހަވީރު ދިވެހި ރާއްޖޭގެ އަޑުގެ ސެނެކޯ މާލަމްގައި އޮތް ރަސްމިއްޔާތުގައި ޕީއެސްއެމްގެ ފާރާތުން މިއެއްބަސްވުމުގައި ސޮއިކުރެއްވީ ޕީއެސްއެމްގެ މެނޭޖިން ޑިރެންޓާރ އިބްރާހިމް ޚަލީލެވެ. އަދި މިޑިއާނެޓްގެ ފަރާތުން ސޮއިކުރެއްވީ އެކުންފުނީގެ ޗީފް އެކްޒެކެޓިވް ފައިނޭސް އަޙުމަދު ނާޝިދެވެ.
img:http://s4.psmnews.mv/images/660x400/14653979551263.jpg|ާ ޔޫރޯ ފުޓްބޯޅަ މުބާރާތް ޕީއެސްއެމްއިން ދެއްކުމަށް މީޑިއާ ނެޓާއެކު ސޮއިކުރުމަށް ބޭއްވި ރަސްމިއްޔާތުގެ ތެރެއިން- ފޮޓޯ: ޕީއެސްއެމް
މިއެއްބަސްވުމުގައި ސޮއިކުރެއްވުމަށްފަހު ޕީއެސްއެމްގެ މެނޭޖިން ޑިރެކްޓަރ އިބްރާހިމް ޚަލީހް ވިދާޅުވީ މިއީ ވަރަށް ދިގު އިންތިޒާރެއްގެ ނިމުންކަމަށާ، ޕީއެސްއެމްގެ ޔެސް ޓީވީއާއި ޓީވީއެމް މެދުވެރިކޮށް ޔޫރޯ ފުޓްބޯޅަ މުބާރާތް ބަލާލުމުގެ ފުރުޞަތު އާންމު ރައްޔިތުންނަށް މިހާރު ލިބިގެންދާނެކަމަށެވެ. ޚަލީލް ވިދާޅުވީ މިފަހަރުގެ ޔޫރޯ ފުޓްބޯޅަ މުބާރާތް ޕީއެސްއެމްގެ ޗެނަލްތަކުން ގެނެސްދޭނީ ވީހާވެސް ގިނަ ރައްޔިތުންނާ ގުޅިގެންކަމަށެވެ. އަދި ޚާއްސަކޮށް މީގެ ކުރިން ޓީވީއެމްއިން މިފަދަ މުބާރާތްތަށް ގެނެސްދީފައިވާ ގޮތުގެ ތަޖްރިބާގެ އަލީގައި މިފަހަރުގެ ޔޫރޯ ފުޓްބޯޅަ މުބާރާތްވެސް ރައްޔިތުން ބަލާހިއްވާ ބައިތަށް ހިމަނައިގެން ގެނެސްދިނުމަށްވެ ހަމަޖެހިފައިވާކަމަށެވެ.
މިރަސްމިއްޔާތުގައި މިޑިއާނެޓްގެ ފަރާތުން އެކުންފުނީގެ ޗީފް އެކްޒެކެޓިވް ފައިނޭސް އަޙުމަދު ނާޝިދު ވިދާޅުވީ މިފަހަރުގެ ޔޫރޯ ފުޓްބޯޅަ މުބާރާތް އާއްމު ރައްޔިތުންނާ ހަމައަށް ގެނެސްދިނުމަށް ޕީއެސްއެމްއިން ކުރި މަސައްކަތް ފާހަގަކޮށްލެވޭކަމަށާ، އެހެން މުބާރާތެކޭ އެއްގޮތަށް މިފަހަރުގެ މުބާރާތްވެސް އާންމުން ބަލާހިއްވާ ބައިތަކެއް ހިމަނައިގެން ޕީއެސްއެމްއިން ގެނެސްދޭނެކަމަށް އުއްމީދު ކުރާކަމަށެވެ.
img:http://s4.psmnews.mv/images/660x400/14653978196923.jpg|ޕީއެސްގެ ޔޫރޯދާގައި ބައިވެރިވާ އެނަލިސްޓުންނާއެކު އެމްއޯޔޫއެއްގައި ސޮއިކުރުން- ފޮޓޯ: ޕީއެސްއެމް
މީޑިއާނެޓާއެކު ސޮއިކުރުމުގެ އިތުރުން ޕީއެސްއެމްގެ ޔޫރޯދައިގައި ބައިވެރިވާ އެނަލިސްޓުންނާއެކުވެސް މިއަދުވަނީ އެމްއޯޔޫއެއްގައި ސޮއިކޮށްފައެވެ. މިފަހަރު ޕީއެސްއެމްގެ ޔެސް ޓީމާއެކު އެނަލިސްޓުންގެ ގޮތުގައި ބައިވެރިވާނީ ޝިމާޒް ޢަލީ، އަބްދުﷲ އަޒްމީން، ކޯޗް އަލީ ސުޒޭން، ސޮބާޙު މުޙައްމަދު އަދި މުޙައްމަދު ނަޒީޙުއެވެ.