މަސްވެރިކަމުގެ ސިނާޢަތުގެ ކުރިއެރުމަށް ފަހުގެ ޓެކްނޮލޮޖީ ބޭނުންކުރުން މުހިންމު: ނައިބު ރައީސް
-
މަސްވެރިން ކުރަމުން ގެންދަނީ ހީވާގި ބުރަ މަސައްކަތެއްކަމަށް ވިދާޅުވި
-
މަސްވެރިކަމުގެ ސިނާޢަތަށް ފާގަތިކަން މިންވަރުކޮށްދެއްވުމަށް އެދިވަޑައިގެންނެވި
މަސްވެރިކަމުގެ ސިނާޢަތުގެ ކުރިއެރުމަށް ފަހުގެ ޓެކްނޮލޮޖީއާއި ޒަމާނީ ވަޞީލަތްތައް ބޭނުންކުރުން މުހިންމުކަމަށް ރައީސުލްޖުމްހޫރިއްޔާގެ ނައިބު ޙުސައިން މުޙައްމަދު ލަޠީފް ވިދާޅުވެއްޖެއެވެ.
ނައިބު ރައީސް މިހެން ވިދާޅުވީ މިއަހަރުގެ މަސްވެރިންގެ ދުވަހާ ގުޅިގެން ސޯޝަލް މީޑިޔާގައި ހިއްސާކުރެއްވި ޕޯސްޓެއްގައެވެ.
ސޯޝަލް މީޑިޔާގައި ހިއްސާކުރެއްވި ޕޯސްޓުގައި ރައީސުލްޖުމްހޫރިއްޔާގެ ނައިބު ޙުސައިން މުޙައްމަދު ލަޠީފް ވިދާޅުވީ މަސްވެރިން ކުރަމުން ގެންދަނީ ހީވަގި ބުރަ މަސައްކަތެއް ކަމަށެވެ. އަދި ދިވެހި އިޤުތިޞާދުގެ ލޭނާރުގެ ގޮތުގައި ސިފަކުރާ މަސްވެރިކަމުގެ ސިނާޢަތުގެ ކުރިއެރުމަށް ފަހުގެ ޓެކްނޮލޮޖީއާއި ޒަމާނީ ވަޞީލަތްތައް ބޭނުންކުރުން މުހިންމުކަމަށް ނައިބު ރައީސް ވިދާޅުވިއެވެ.
ނައިބު ރައީސްގެ ޕޯސްޓުގައި ވަނީ މަސްވެރިކަމުގެ ސިނާޢަތަށް ފާގަތިކަމާއި ފަހިކަން މާތް ﷲ މިންވަރުކުރެއްވުމަށް އެދި ދުޢާކުރައްވާފައެވެ.
— Hussain Mohamed Latheef (@HucenSembe) December 10, 2024
ރާއްޖޭގައި ކޮންމެ އަހަރަކުވެސް މަސްވެރިންގެ ދުވަސް ފާހަގަކުރަނީ ޑިސެންބަރު މަހުގެ 10 ވަނަ ދުވަހުއެވެ.
މަސްވެރިންގެ ދުވަހެއް ފާހަގަކުރުމުގެ ބޭނުމަކީ މަސްވެރިކަމުގެ ސިނާޢަތުގައި ދިވެހިންކުރާ ބުރަ މަސައްކަތް ފާހަގަކޮށް، އެމީހުންނަށް ދިމާވާ ދަތިތައް ދެނެގަތުމެވެ. ސަރުކާރުން ދަނީ މަސްވެރިންނަށް ދިމާވާ ދަތިތައް ދެނެގަނެ އެކަންކަން ހައްލުކޮށްދެއްވުމަށް ގިނަ މަސައްކަތްތަކެއް ކުރައްވަމުންނެވެ. އެގޮތުން ރައީސް ޑރ. މުޢިއްޒުގެ ވަޢުދާ އެއްގޮތަށް މަސްވެރިންނަށް މަސްކިރުވާތާ 48 ގަޑިއިރު ތެރޭގައި ފައިސާ ލިބޭނެ އިންތިޒާމް މިހާރު ވަނީ ހަމަޖައްސަވާފައެވެ.