މެޑިކަލް ޓޫރިޒަމްގެ ޚިދުމަތް އިޝްތިހާރުކުރަން އެމްއެމްޕީއާރުސީން އޭޑީކޭއާއެކު އެއްބަސްވުމަކަށް

ރާއްޖޭގެ މެޑިކަލް ޓޫރިޒަމްގެ ޚިދުމަތް އިޝްތިހާރުކުރުމަށް އެމްއެމްޕީއާރުސީއާއި އޭޑީކޭ ހޮސްޕިޓަލާއި ދެމެދު އެއްބަސްވުމެއްގައި ސޮއިކޮށްފިއެވެ.

މި އެއްބަސްވުމުގައި އެމްއެމްޕީއާރުސީގެ ފަރާތުން ސޮއިކުރެއްވީ އެ ކުންފުނީގެ ސީއީއޯ އަދި އެމްޑީ އިބްރާހިމް
ޝިއުރީއެވެ. އޭޑީކޭގެ ފަރާތުން ސޮއިކުރެއްވީ މެނޭޖިން ޑިރެކްޓަރު އަހުމަދު އައްފާލްއެވެ.

މި އެއްބަސްވުމާއި ގުޅޭގޮތުން އެމްއެމްޕީއާރުސީގެ އެމްޑީ އިބްރާހީމް ޝިއުރީ ވިދާޅުވީ ޒަމާނުއްސުރެ ރާއްޖެއަކީ ފަތުރުވެރިކަމުގެ ދާއިރާއިން ލަގްޒަރީ ފެންވަރުގެ ޚިދުމަތް ލިބެމުންދާ ޤައުމެއްކަމަށެވެ. ފަތުރުވެރިކަމުގެ ސިނާޢަތުގައި މެޑިކަލް ޓުއަރިޒަމް ހިމެނުމަށް ފަތުރުވެރިކަމުގެ ހުށަހެޅުންތައް ޑައިވަރސިފައިކޮށްގެން ދުނިޔޭގެ ޓްރެވަލް ޑެސްޓިނޭޝަނެއްގެ ގޮތުގައި ރާއްޖޭގެ މަގުބޫލުކަން އިތުރުކުރުމުގެ އިތުރުން ރާއްޖޭގެ ޞިއްޙީ ޚިދުމަތުގެ އިންފްރާސްޓްރަކްޗަރ ތަރައްޤީކުރުމަށްވެސް އެހީތެރިކަން ފޯރުކޮށްދެމުން ދާނެކަމަށް ޝިއުރީ ވިދާޅުވިއެވެ.

މި އެއްބަސްވުމުގެ ދަށުން އެމްއެމްޕީއާރުސީ އާއި އޭޑީކޭ ހޮސްޕިޓަލް ގުޅިގެން މަތީ ފެންވަރުގެ ބޭސްފަރުވާގެ ޚިދުމަތް ދޭ މަންޒިލެއްގެ ގޮތުގައި ރާއްޖެ ޕްރޮމޯޓުކުރަން މަސައްކަތް ކުރާނެއެވެ. މި ޕާޓްނަރޝިޕްގެ ސަބަބުން ރާއްޖޭގެ އިޤްތިޞާދީ ކުރިއެރުމަށް މެޑިކަލް ޓުއަރިޒަމްގެ ޙިއްޞާ އިތުރުވެ ފަތުރުވެރިންނަށް ބައިނަލްއަޤްވާމީ ފެންވަރުގެ ޞިއްޙީ ޚިދުމަތްތައް ލިބިގެންދާނެކަމަށް އެމްއެމްޕީއާރުސީން ވަނީ ބުނެފައެވެ.

މި އެއްބަސްވުމާއި ގުޅޭގޮތުން އޭޑީކޭގެ މެނޭޖިން ޑިރެކްޓަރު އަހުމަދު އައްފާލް ވިދާޅުވީ އެ ކުންފުނީގެ އަމާޒަކީ އެމްއެމްޕީއާރުސީއާ ގުޅިގެނ،ް ރާއްޖޭގެ ގުދުރަތީ ރީތިކަމާއ،ި ދުނިޔޭގެ ފެންވަރުގެ ޞިއްޙީ ޚިދުމަތްދޭ ތަންތަނާއ،ި ފެންވަރު ރަނގަޅު ބޭސްފަރުވާ ލިބެންހުންނަފަތުރުވެރިން ޝައުޤުވެރިކުރުވުންކަމަށެވެ. މީގެސަބަބުން ހަމައެކަނި ފަތުރުވެރިކަމުގެ ސިނާއަތަށް ފައިދާވުމުގެ އިތުރުން ރާއްޖޭގެ މުޅި އިޤްތިޞާދަށްވެސް ކުރިއެރުންތަކެއް ލިބިގެންދާނެކަމުގެ ޔަޤީންކަން އެބައޮތްކަމަށް އޭނާ ވިދާޅުވިއެވެ.