އަލިފާނުގެ ހާދިސާގައި ލިބުނު ގެއްލުންތައް މަރާމާތުކުރުމަށްފަހު އެންމެން ދާއިމީ ހިޔާވެއްސަށް ބަދަލުކޮށްފި

ދައުލަތުގެ ވުޒާރާއެއްގައި ހިނގި އަލިފާނުގެ ހާދިސާއާއި ގުޅިގެން، ވަގުތީ ބޯހިހިޔާވަހިކަމަށް ބަދަލުކުރި އެންމެން އެމީހުންގެ އަމިއްލަ ގެދޮރަށް މިހާރު ބަދަލުކޮށްފައިވާކަމަށް ނޭޝަނަލް ޑިޒާސްޓަރ މެނޭޖްމެންޓް އޮތޯރިޓީ، އެންޑީއެމްއޭއިން ވިދާޅުވެއެވެ. އަލިފާނުގެހާދިސާއާއި ގުޅިގެން އެސަރަހައްދުގެ ބައެއް ގޭގެއިން 29 މީހަކު ވަގުތީ ހިޔާތަކަށް ބަދަލުކުރިއެވެ.

ގެދޮރުވެރިކަމާއި ބިމާއި އުމްރާނީ ތަރައްޤީއާއި ބެހޭ ވުޒާރާއާއި، އިމާރާތްކުރުކާއި ބިނާރާ ބެހޭ ވުޒާރާއާއި މޫސުމީ ބަދަލުތަކާއި ތިމާވެށްޓާއި ހަކަތައާބެހޭ ވުޒާރާ ހިންގަމުންދިޔަ ޢިމާރާތުގައި އަލިފާނުގެ ހާދިސާ ހިނގާފައިވަނީ މިމަހުގެ 12 ވަނަ ދުވަހުއެވެ. މި ހާދިސާގައި ވަނީ އެ ޢިމާރަތްތައް ބޭނުންނުކުރެވޭވަރަށް އަނދާހުލިވެފައެވެ. އަދި އަލިފާނުގެ ހާދިސާގައި އެސަރަހައްދުގެ ބައެއް ގޭގެއަށްވެސް ގެއްލުންވިއެވެ.

މިއާއެކު 3 އިމާރާތެއްގެ 7 ގޭބިސީއަކުން 29 މީހުން ވަގުތީ ހިޔާތަކަށް ބަދަލުކުރިއެވެ. އޭގެތެރޭގައި ހިމެނެނީ 15 ފިރިހެނުންނާއި 14 އަންހެނުންނެވެ. އޭގެތެރެއިން 5 މީހުން މިމަހުގެ 19 ވަނަ ދުވަހު އެމީހުންގެ އަމިއްލަ ގެއަށް ބަދަލުކުރިއެވެ. އަދި ބާކީ ތިބި މީހުން އެމީހުންގެ އަމިއްލަ ގެދޮރަށް ބަދަލުކުރީ އިއްޔެއެވެ. އެންޑީއެމްއޭއިން ވިދާޅުވީ އެ ހުރިހާ އެންމެންވެސް އެމީހުންގެ ގެތަކަށް ބަދަކުރީ އެ ހުރިހާ ގެއެއްގެ މަރާމާތަށް އުސޫލުގެ ތެރެއިން އެހީ ދިނުމަށްފަހުގައެވެ.

ތިން ވުޒާރާގައި ހިނގި އަލިފާނުގެ ހާދިސާއާއިގުޅިގެން، އެ ވުޒާރާތައް ވަނީ ވަގުތީގޮތުން ދަރުބާރުގެއަށް ބަދަލުކޮށް ޚިދުމަތްދޭން ފަށާފައެވެ.